Časopis «Dziejasłoŭ» uručyŭ litaraturnuju premiju «Załaty apostraf» pry paŭpustoj zale.
Časopis «Dziejasłoŭ» uručyŭ litaraturnuju premiju «Załaty apostraf». Cyrymonija ŭznaharodžvańnia prajšła 25 sakavika ŭ Muziei historyi biełaruskaj litaratury.
«U hety čas, jak my siadzim u śvietłaj zale, tam, na ciomnaj płoščy, stajać ludzi, i ich akružajuć z usich bakoŭ… Pažadajem im pośpiechaŭ. Ja dumaju, «Dziejasłoŭ» pracuje na tych ludziej. Naš čytač — tam», — skazaŭ Leanid Dajnieka.
I sapraŭdy, čytač časopisa byŭ na płoščy. Prynamsi, zała muzieja była napaŭpustoj.
Arhanizatary pryznačyli pačatak viečaryny na paŭhadziny paźniej za pačatak mitynhu la Akademii navuk. I čytačy zrabili svoj vybar.
Hetym razam naminantaŭ i łaŭreataŭ premii vybirali praź internet-hałasavańnie. Ale redakcyja pakinuła za saboj prava samoj vyrašać, chto atrymaje «Załaty apostraf». I hetym pravam skarystałasia.
U naminacyi «Debiut» pieramoh Vital Byl, najlepšaja proza naležyć Michasiu Andrasiuku, a za najlepšuju letašniuju paetyčnuju nizku ŭhanaravana Valaryna Kustava.
Sioleta źjaviłasia novaja naminacyja.
Viktar Kaźko atrymaŭ premiju za vysokija tvorčyja dasiahnieńni ŭ sučasnaj biełaruskaj litaratury.
Redaktar «Dziejasłova» Barys Piatrovič spadziajecca, što jana budzie štohadovaj.
Premija «Załaty apostraf» zasnavana redakcyjaj časopisa «Dziejasłoŭ» u 2003 hodzie. Jaje łaŭreatami stanavilisia Volha Ipatava, Vasil Bykaŭ, Kastuś Tarasaŭ, Hanna Aŭčyńnikava, Hleb Łabadzienka, Andrej Chadanovič, Viktar Ślinko, Leanid Drańko-Majsiuk, Valancina Aksak, Vital Ryžkoŭ, Ryhor Sitnica, Ludmiła Rubleŭskaja, Usievaład Ścieburaka, Aleś Piśmiankoŭ, Aleś Badak, Lizavieta-Daminika Panamarova, Iryna Bielskaja, Siaržuk Sys, Uładzimir Niaklajeŭ.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary