У Германіі забілі аўтарку бестсэлераў пра рускіх, кіяўлянку Аляксандру Фроліх
Пісьменніца памерла ад удару тупым прадметам у сваім плывучым доме. Аляксандра Фроліх атрымала вядомасць дзякуючы раману «Мая руская свякроў і іншыя катастрофы». Раней яна жыла і працавала ў Кіеве, піша Deutsche Welle.
У Гамбургу забіта вядомая пісьменніца Аляксандра Фроліх, якая стала шырока вядомай пасля выдання рамана «Мая руская свякроў і іншыя катастрофы» і яго працягу «Падарожжы з рускімі».
Прычынай смерці 58-гадовай жанчыны стала траўма ад удара тупым прадметам.
Падазраваны ў забойстве пакуль не ўстаноўлены, следства працягваецца. Тэлеканал NDR удакладняе, што ў поле зроку праваахоўнікаў трапіў блізкі сваяк Фроліх. У паліцыі Гамбурга таксама пацвердзілі, што пісьменніцу знайшоў мёртвай раніцай 22 красавіка адзін з яе сыноў у плывучым доме, дзе яна пражывала.
Focus Online называе Аляксандру Фроліх адной з самых паспяховых нямецкіх пісьменніц апошніх гадоў.
Пасля выдання ў 2012 годзе рамана «Мая руская свякроў і іншыя катастрофы», які трапіў у спіс бестсэлераў Der Spiegel, Фроліх распавядала, што твор заснаваны на яе асабістым досведзе замужжа.
Бацькам двух з трох сыноў пісьменніцы быў выхадзец з Расіі, з якім Фроліх пазней рассталася. У 2016 годзе выйшаў яшчэ адзін раман Фроліх «Смерць непазбежная», а ў 2019 годзе — «Шкілеты ў шафе».
Акрамя пісьменніцкай дзейнасці, яна таксама працавала пазаштатнай аўтаркай у нямецкіх СМІ, у тым ліку ў Der Stern, Petra і Freundin. Пры гэтым сваю журналісцкую кар’еру Фроліх пачынала ў Кіеве, дзе развівала жаночыя часопісы.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары