Pavodle źviestak paŭdniovakarejskaj raźviedki, Paŭnočnaja Kareja straciła kala 600 vajskoŭcaŭ padčas bajavych dziejańniaŭ. Usiaho z pačatku ŭdziełu Pchieńjana ŭ vajnie na baku Rasii byli paranieny abo zabity prykładna 4700 sałdat.
Pavodle źviestak paŭdniovakarejskaj raźviedki, Paŭnočnaja Kareja straciła kala 600 vajskoŭcaŭ padčas bajavych dziejańniaŭ va Ukrainie, ahulnyja straty zabitymi i paranienymi aceńvajucca ŭ 4700 sałdat.
Pavodle dadzienych raźviedki, Paŭnočnaja Kareja nakiravała 15 000 vajskoŭcaŭ u Rasiju. Najbolš aktyŭnyja bajavyja dziejańni z udziełam karejskich sałdat adbyvalisia ŭ Kurskaj vobłaści, dzie rasijskija vojski sprabavali viarnuć terytoryi, zaniatyja ŭkraincami.
Pavodle paŭdniovakarejskaj raźviedki, za šeść miesiacaŭ bajavoha ŭdziełu paŭnočnakarejskija sałdaty pavysili svaju bajazdolnaść. Jany navučylisia vykarystoŭvać sučasnuju zbroju, u tym liku drony, i atrymali rasijskuju techničnuju padtrymku ŭ śfiery vajennych technałohij, uklučajučy supraćpavietranyja rakiety i spadarožniki-špijony.
Pavodle acenak Sieuła, udzieł Paŭnočnaj Karei ŭ vajnie, uklučajučy pastaŭki artyleryjskich snaradaŭ i rakiet, značna padmacavaŭ rasijskija pazicyi na zachodnim froncie. Heta taksama pryviało da pahłybleńnia vajenna-palityčnaha partniorstva pamiž dźviuma dziaržavami.
-
Ukraincy kontratakavali pad Kupianskam, rasijskija vojski trapili ŭ akružeńnie
-
Rute: My nastupnaja cel Rasii, i my pavinny być hatovyja da vajny maštabaŭ toj, jakuju pieražyli našy babuli i dziaduli
-
Polski hienierał: Kali tolki Rasija napadzie na NATA, na 300 kiłamietraŭ u hłybiniu jaje budzie vypalenaja ziamla
Ciapier čytajuć
Bližejšym časam buduć vyzvaleny bolš za 150 palitźniavolenych6
Kamientary