Łukašenka ŭznaharodziŭ mytnikaŭ, jakija vyłučylisia ŭ historyi z najbujniejšaj partyjaj vybuchovych rečyvaŭ
Polskija pamiežniki śćviardžajuć, što nijakuju vybuchoŭku praź miažu nie pravozili.
Alaksandr Łukašenka ŭznaharodziŭ mytnikaŭ, jakija, pavodle aficyjnaj viersii, u pačatku krasavika zatrymali na miažy 580 kiłahramaŭ vybuchoŭki. Jaje, jak śćviardžajuć biełaruskija ŭłady, vieźli z Polščy ŭ rasijski Piacihorsk dla arhanizacyi teraktu.
Miedal «Za adznaku ŭ achovie dziaržaŭnaj miažy» atrymali staršy inśpiektar adździeła praviadzieńnia apieracyj mytnaha kantrolu Bresckaj mytni Dźmitryj Vaŭčkovič i staršy inśpiektar adździeła mytnych apieracyj i kantrolu №1 mytnaha pasta «Varšaŭski most» Bresckaj mytni Darja Savič.
Padziaka Łukašenki abvieščanaja hałoŭnamu ekśpiertu mytnaj łabaratoryi Dziaržaŭnaha instytuta pavyšeńnia kvalifikacyi i pierapadrychtoŭki kadraŭ mytnych orhanaŭ Kiryłu Kryžnomu i načalniku adździeła mytnych apieracyj i kantrolu mytnaha pasta «Varšaŭski most» Bresckaj mytni Alaksieju Kułyhinu.
Pra zatrymańnie najbujniejšaj u historyi Biełarusi partyi vybuchoŭki ŚMI paviedamili 6 krasavika. Mytniki pravieryli padazrony mikraaŭtobus i znajšli ŭ im tajnik. Kiroŭca mašyny Jaŭhien Mańko raskazaŭ prapahandystam, što pierahaniaŭ bus u Piacihorsk niejkamu Alimu pa prośbie znajomaha z Estonii Ramana.
Polskija słužby nazvali navinu prapahandaj i zajavili, što nijakuju vybuchoŭku praź miažu nichto nie pieravoziŭ.
Kiroŭca mašyny z vybuchoŭkaj paviedamiŭ, što vioz jaje ŭ Piacihorsk niejkamu Alimu
U Biełaruś sprabavali ŭvieźci najbujniejšuju ŭ historyi krainy partyju vybuchoŭki — 580 kh
Na BT pakazali zatrymanaha kiroŭcu, jaki jechaŭ na busie z vybuchoŭkaj
Polskija słužby admaŭlajuć, što praź miažu ź Biełaruśsiu pravozili vybuchoŭku
Pucin padziakavaŭ Łukašenku za zatrymańnie paŭtony vybuchoŭki na miažy
Kreml nie zhadaŭ pra padziaku Pucina Łukašenku za zatrymańnie vybuchoŭki na miažy
Dźmitryj Łukašenka choča pastavić pad kantrol usie mabilnyja telefony11
Kamientary