Polšča rasśleduje hibiel piaci čałaviek, cieły jakich vyłavili ŭ race Buh
Cieły piaci čałaviek vyłavili ŭ krasaviku z raki Buh. Śledčyja vyśviatlajuć ich asoby i pryčyny śmierci, piša RMF24.pl.
Paviedamlajecca, što 5 pa 18 krasavika byli vyjaŭleny cieły piaci čałaviek. Usie rasśledavańni znachodziacca na papiaredniaj stadyi.
Rasśledavańni pravodziacca ŭ suviazi ź nieaściarožnym pryčynieńniem śmierci. Śledčyja vyśviatlajuć imiony hetych asob i pryčyny ich śmierci. Na pytańnie, ci byli pry ciełach znojdzienyja dakumienty, bahaž, telefony, zapiski, prakuror adkazaŭ, što «takoha rodu infarmacyja nie dajecca na hetym etapie z pryčyny intaresaŭ śledstva».
Pieršaje cieła vyłavili 5 krasavika, a 15 krasavika — jašče dva. 18 krasavika patrul vyjaviŭ z polskaha boku ŭ pahraničnaj race Buh cieły jašče dźviuch asob.
Chutčej za ŭsio heta cieły ludziej, jakija sprabavali niezakonna pierasiekčy miažu ź Biełarusi ŭ Polšču. U hetym hodzie takich sprob było ŭžo 300, tady jak za ŭvieś minuły hod — kala 530.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj37
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary