Dziaržaŭnyja kanały Biełarusi vydajuć sutyčki ŭ Łos-Andželesie za «razhon mitynhoŭcaŭ»
U Łos-Andželesie siłavikoŭ vyvieli na vulicy dla baraćby z radykalnymi pratestami suprać departacyi nielehalnych mihrantaŭ. Administracyja Trampa skarystałasia z nahody, kab padkreślić miakkaciełaść demakrataŭ u pytańni baraćby ź nielehałami.
«U Łos-Andželesie praciahvajucca sutyknieńni mitynhoŭcaŭ i siłavikoŭ Trampa, — piša kanał «Biełorusskij front», jaki viadziecca ideołahami siłaŭ śpiecapieracyj Minabarony Biełarusi.
— Niechta źniaŭ, jak mužyka presavali demakratyčnymi końmi i atavaryli pa hałavie demakratyčnymi pałkami. Darečy, vyhlad u tamtejšych palicejskich niejki razhubleny i zusim nie taki, jak u halivudskich bajevikach», — iranizuje kanał.
A «Žoŭtyja źlivy» — kanał pamyjnaj infarmacyi, stvorany dla ačarnieńnia palityčnych praciŭnikaŭ, akcentuje, što ŭ Łos-Andželesie «mitynhujuć za hrošy».
Nahadajem, što heta byŭ ulubiony pryjom rasijskaj i łukašenkaŭskaj prapahandy. Jany śćviardžali, što za hrošy ludzi vychodzili na majdany va Ukrainie, a ŭ 2020 hodzie — na pratesty ŭ Biełarusi. Raspaŭsiudžvalisia navat iłžyvyja prejskuranty.
U Łos-Andželesie siłavikoŭ vyvieli na vulicy dla baraćby z pratestami suprać vydvareńnia nielehalnych mihrantaŭ. Pryčym hetyja pratesty nie mieli vialikaha maštabu i nie ŭjaŭlali značnaj pahrozy hramadskamu paradku. Administracyja Donalda Trampa prosta skarystałasia ź ich nahody, kab pryciahnuć uvahu da temy, jakaja stała jaje kańkom — zmahańnia z napłyvam mihrantaŭ, jakija prabivajucca ŭ Štaty, šukajučy lepšaj doli.
Tonkaść u tym, što Kalifornija — bastyjon Demakratyčnaj partyi, jakaja zajmaje pa temie mihrantaŭ miakkija pazicyi. Vyvieŭšy Nachvardyju na vulicy biez zapytu pra toje ŭładaŭ štata, trampisty chočuć čarhovy raz padkreślić hetuju miakkaciełaść demakrataŭ.
U adkaz hubiernatar Kalifornii Hevin Ńjusam — a jon jašče i patencyjny kandydat ad demakrataŭ na prezidenckich vybarach 2028 hoda — zapatrabavaŭ vyvieści Nacyjanalnuju hvardyju z Łos-Andželesa.
«U nas nie było prablem, pakul nie ŭmiašaŭsia Tramp», — zajaviŭ Ńjusam. Jon nazvaŭ zahad Trampa niezakonnym.
Heta pieršy vypadak za apošnija dziesiacihodździ, kali prezident ZŠA vyvieŭ Nacyjanalnuju hvardyju na vulicy biez zapytu ci zhody štata.
Ironija ŭ tym, što łukašenkaŭcy aktyŭna spryjali nielehalnaj mihracyi ŭ krainy Jeŭrasajuza — prynamsi, ich u tym vinavacili ŭłady Polščy i Litvy. Ale padziei ŭ Łos-Andželesie nienajednaja prapahanda sprabuje vyviernuć na svaju karyść.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
Ińšaja sprava što palicyjantaŭ nichto nie abdymaje sa ślazami lubovi, boty nie zdymaje, nie poŭzaje pierad nimi i nie doryć kvietki
Umora))