Aktyvizavalisia internet‑piraty

«Haračaja viasna» raspačałasia ŭ telefonnych pirataŭ. Taksama jak turystyčnyja kampanii vyznačajuć papularnyja napramki siezonu adpačynkaŭ, tak i «telefonnyja piraty» šukajuć novaje prystanišča dla realizacyi »šerych schiem» svajho biźniesu. Hetaj viasnoj piraty ablubavali Maldyŭskija astravy ŭ Indyjskim akijanie. Mienavita na Maldyvach zarehistravanyja novyja telefonnyja numary, košt zvankoŭ na jakija značna pieravyšaje košt lehalnaha spałučeńnia ź Biełarusi. Zrazumieła, što nichto b nie ździajśniaŭ takija zvanki, kali b viedaŭ ab ich realnym košcie…

‑ Niahledziačy na raźvićcio vysokachutkasnaha dostupu ŭ Internet, telefonnaje piractva pa‑raniejšamu zastajecca hałaŭnym bolem dla mnohich internet‑apierataraŭ pa ŭsim śviecie, pakolki kamutavanym dostupam u internet karystajecca jašče davoli vialikaja kolkaść karystalnikaŭ Suśvietnaj pavuciny. Hety typ spałučeńnia zasnavany na tym, što madem karystalnika ździajśniaje dazvon na numar internet‑apieratara svajoj krainy dla vychadu ŭ sietku. Adnak isnujuć prahramy, jakija samadvolna źmianiajuć numar dazvonu, ‑ tłumačyć pryncyp «biźniesu» internet‑pirataŭ načalnik Mižnarodnaha centra kamutacyi «Biełtelekam» Siarhiej Furmanaŭ.

Takija «zvaniłki», śpiecyjalna stvoranyja «telefonnymi piratami», vielmi ciažka identyfikujucca antyvirusami, pakolki nie ŭtrymlivajuć u sabie niejki škodny kod dla apieracyjnaj sistemy kampjutara.

Atrymoŭvajecca tak, što karystalnik abo nie bačyć zahruzki prahramy‑dazvonščyka, abo pahadžajecca ź jaje zahruzkaj, nie padazrajučy ab jaje roli.

Madem, jaki dazvońvajecca da ŭstanoŭlenaha piratami numaru, ździajśniaje spałučeńnie ź internetam, adnak nie z dapamohaj miascovaha apieratara i nie pa jaho taryfach. Prahrama nabiraje zakładzieny u jaje numar bieź viedama karystalnika, i košt zvanka šmatrazova pieravyšaje taryf miascovaha apieratara. Takaja schiema, pry jakoj karystalnik nie viedaje ab realnym košcie zvanka na płatny numar,

źjaŭlajecca prybytkovym biźniesam dla machlaroŭ, jakija zarablajuć na prałazie ŭ technałohii kamutavanaha dostupu i na niaŭvažlivaści internet‑karystalnikaŭ.

‑ Dla nas vidavočnaja siezonnaja aktyŭnaść internet‑machlaroŭ, pakolki mienavita viasnoj my atrymlivajem pieršyja zapyty ad abanientaŭ, niazhodnych z vysokimi rachunkami za zvanki, jakija jany byccam by nie ździajśniali. Spałučeńnie, ustanoŭlenaje niesankcyjanavana i bieź niepasrednaha ŭdziełu karystalnika, vylivajecca ŭ niekalki sotniaŭ tysiač rubloŭ.

Zdarajecca, što suma pieravyšaje miljon rubloŭ.

Heta niepryjemny fakt, adnak i «Biełtelekam» razam z karystalnikam vymušany raździalić hetu nošu, apłaciŭšy ździejśnieny zvanok pa mižnarodnych dahavorach. Adnak my idziem nasustrač abanientam i u peŭnych vypadkach pradastaŭlajem im mahčymaść apłacić rachunak u rasterminoŭku, ‑ dadaŭ Siarhiej Furmanaŭ.

Viasnoj 2010 hoda zafiksavany novy napramak zvankoŭ ‑‑ Maldyŭskija astravy, a raniej internet‑piraty pracavali ŭ Hiermanii, Bałharyi, na astravach Kuka, u Sjera‑Leonie i Vanuatu.

Kab nie stać achviarami internet‑pirataŭ «Biełtelekam» rekamienduje zachoŭvać nastupnyja miery pieraściarohi.

Pa‑pieršaje, treba pamiatać pra niebiaśpieku zahruzki ź interneta roznych prahramnych praduktaŭ. Uvažliva čytajcie ŭsie anłajnavyja paviedamleńni. Pastki mohuć być schavanyja na niekalki staronak dalej u tekście, nadrukavanym drobnym šryftam. Nikoli nie naciskajcie «ok», kali vy dakładna nie viedajecie, z čym vy pahadžajeciesia.

Bieražyciesia prahram, jakija dazvalajuć vašamu mademu ažyćciaŭlać nabor numaru dla dostupu ŭ internet. Kali na ekranie vašaha kampjutara źjaŭlajecca dyjałohavaje akienca ź infarmacyj ab tym, što idzie nabor numara, jaki vy nie daručali jamu nabirać, anułujujcie heta paviedamleńnie. Abaviazkova ŭklučycie huk u nastrojkach madema: kali vy pačuli pa charakternamu huku, što madem advolna ŭstanaŭlivaje spałučeńnie, pierarvicie praceduru ci lepš adklučycie madem ad telefonnaj sietki. Paśla hetaha abaviazkova praviercie nastrojki «vydalenaha spałučeńnia pa ŭmaŭčańni», najaŭnaść novych spałučeńniaŭ i najaŭnaść prahram (spasyłak, jarłykoŭ), jakija vami nie stvaralisia i nie ŭstanaŭlivalisia.

Patłumačcie dzieciam niebiaśpieku pierakačvańnia prahram. Kantralujcie sajty, jakija naviedvajuć vašy dzieci, praviarajučy historyju naviedvańnia vieb‑sajtaŭ.

Prahramy‑»zvaniłki», jak praviła, nie raspaznajucca antyvirusnymi prahramnym zabieśpiačeńniem i, adpaviedna, nie vydalajucca. Treba viedać, što takija prahramy mohuć nie tolki ŭstanaŭlivać niepažadanaje spałučeńnie, ale i pieradavać vašy dadzienyja (naprykład, ulikovy zapis dla dostupu u internet) inšym karystalnikam.

• 0
• 0
• 0
• 0
• 0
• 0
• 0
• 0