У Беларусі разглядаюць магчымасць усталявання алказамкоў у каршэрынгавых аўтамабілях — прылад, якія не дазваляюць завесці машыну, калі кіроўца нецвярозы, піша Blizko.by.
На пасяджэнні пастаяннай камісіі Палаты прадстаўнікоў па прамысловасці, энергетыцы, транспарце, сувязі і лічбавым развіцці абмяркоўвалі прававое рэгуляванне каршэрынгавых і кікшэрынгавых паслуг.
Падчас абмеркавання падкрэслівалі неабходнасць выразнай маркіроўкі каршэрынгавых машын, каб іх было лёгка заўважыць на дарозе, аналагічна таксі. Бо цяпер некаторыя кампаніі спецыяльна не пазначаюць свае аўто, каб пазбягаць увагі ДАІ.
Начальнік ДАІ Мінгарвыканкама Сяргей Бабіч паведаміў, што прыблізна кожны дзясяты нецвярозы кіроўца — карыстальнік каршэрынгу. Таму і прапануецца на такія машыны ставіць алказамкі.
Таксама ў працэсе абмеркавання адзначылі, што часта аўтамабіль бярэ адзін чалавек, а кіруе ім зусім іншы: гэты момант ніяк не кантралюецца, і кампаніі фактычна не нясуць адказнасці за тое, хто сядае за руль.
На электробусах МАЗ пачнуць ставіць алказамкі. Што гэта такое?
На мінскім праспекце Дзяржынскага адбылася аварыя з удзелам пяці аўтамабіляў. Адзін з іх перакуліўся
Кіроўца каршэрынга Bolt пратараніў агароджу на літоўскай мяжы і быў затрыманы ў Беларусі
На плошчы Незалежнасці кіроўца каршэрынгавага аўто заснуў за рулём і ўрэзаўся ў іншы аўтамабіль
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары