Biełaruski paviljon prymie haściej na terytryi vialikaha festu sučasnaj muzyki Be2gether-2010, jaki projdzie ŭ litoŭskim siale Narviliški, pablizu biełaruskaj miažy. Pra heta zajaviŭ kardynatar prajektu «Budźma biełarusami!» Ihar Lalkoŭ.
«Paviljon budzie mieć nazvu «Biełaruski dom», — kaža Lalkoŭ. — U im možna budzie pakaštavać biełaruskija stravy ad minskaj straŭni «Kamianica», nabyć biełaruskuju suvieniry i simboliku, a taksama zasłuchać haračyja hity ad «Krambambuli» ŭ žyvym vykanańni».
Be2gether — transpamiežny rok-fiestyval, jaki projdzie ŭ čaćviorty raz pry kancy červienia la litoŭskaha zamka Narviliški za 100 m ad biełaruska-litoŭskaj miažy. Sioleta ŭ abvieščanych chedłajnerach festu — Empire of the Sun i Skunk Anansie, prajekt Siarhieja Šnurava «Rubl», a ź biełaruskaha boku — Lavon Volski, a taksama minskija hurt Open Space, jaki hraje bryt-pop.
Fest Be2gether-2010 zvyčajna ładzicca na standartny jeŭrapiejski manier: pabudavanyja dźvie vialikija i niekalki maleńkich scenaŭ, na jakich adnačasova vystupajuć hurty roznych nakirunkaŭ. Akramia scenaŭ na terytoryi fiestyvalu ŭstaloŭvajuć šmatlikija paviljony: ad kinazałaŭ i šapikaŭ z prysmakami da budanoŭ, dzie možna pravieści seans miedytacyi.
Nahadajem, vizy ŭ Litvu dla hramadzian Biełarusi pry najaŭnaści biełaruskaha kvitka na Be2gether-2010, jak i letaś buduć darmavyja.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?10
Kamientary