Беларускі павільён прыме гасцей на тэрытрыі вялікага фэсту сучаснай музыкі Be2gether-2010, які пройдзе ў літоўскім сяле Нарвілішкі, паблізу беларускай мяжы. Пра гэта заявіў кардынатар праекту «Будзьма беларусамі!» Ігар Лялькоў.
«Павільён будзе мець назву «Беларускі дом», — кажа Лялькоў. — У ім можна будзе пакаштаваць беларускія стравы ад мінскай страўні «Камяніца», набыць беларускую сувеніры і сімболіку, а таксама заслухаць гарачыя гіты ад «Крамбамбулі» ў жывым выкананні».
Be2gether — транспамежны рок-фестываль, які пройдзе ў чацвёрты раз пры канцы чэрвеня ля літоўскага замка Нарвілішкі за 100 м ад беларуска-літоўскай мяжы. Сёлета ў абвешчаных хэдлайнэрах фэсту — Empire of the Sun і Skunk Anansie, праект Сяргея Шнурава «Рубль», а з беларускага боку — Лявон Вольскі, а таксама мінскія гурт Open Space, які грае брыт-поп.
Фэст Be2gether-2010 звычайна ладзіцца на стандартны еўрапейскі манер: пабудаваныя дзве вялікія і некалькі маленькіх сцэнаў, на якіх адначасова выступаюць гурты розных накірункаў. Акрамя сцэнаў на тэрыторыі фестывалю ўсталёўваюць шматлікія павільёны: ад кіназалаў і шапікаў з прысмакамі да буданоў, дзе можна правесці сэанс медытацыі.
Нагадаем, візы ў Літву для грамадзян Беларусі пры наяўнасьці беларускага квітка на Be2gether-2010, як і летась будуць дармавыя.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?15
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары