U hetuju subotu ŭ Biełarusi startuje niezvyčajnaja dabračynnaja akcyja — 24 hadziny bieśpierapynnaha biehu, dzie kožny kiłamietr pieratvorycca ŭ materyjalnuju dapamohu dla dziaciej z ankałahičnymi zachvorvańniami. I čym bolš udzielnikaŭ dałučycca, tym bolš hrošaj udasca sabrać. Biehčy cełyja sutki ŭsim nie daviadziecca.
Akcyju zadumaŭ stamatołah Pavieł Savicki ź Minska. Bieham jon zajmajecca ŭžo daŭno, na amatarskim uzroŭni. U hetym hodzie biełarus vyrašyŭ abjadnać ideju zdarovaha ładu žyćcia i dapamohi dzieciam i prydumaŭ sutačny dabračynny zabieh, piša Onliner.by.
— Bieh daŭno staŭ častkaj majho žyćcia, — raskazvaje pra svaju inicyjatyvu Pavieł. — U mianie ciapier dźvie mety — dapamahčy dzieciam z ankałahičnymi zachvorvańniami i natchnić ludziej na ruch. Tak, ja płanuju biehčy ŭsie 24 hadziny, heta surjozny vyklik dla arhanizma. Ja viedaju ŭsiaho paru asob, jakija prachodzili takuju dystancyju. Z trenieram ščylna zajmajusia ź leta, trenirujusia ja kožny dzień. Heta nie tolki biehavyja treniroŭki, ale i siłavyja. Vysiłkaŭ heta kaštuje vialikich, bo davodzicca achviaravać snom i časam doma. Ale da takoha hrafiku zvykaješ, ulivaješsia i idzieš da svajoj mety. Adznaču, što takoje mahčyma tolki pry padtrymcy tvaich rodnych i blizkich.
Pavieł zaprašaje ŭsich achvotnych dałučycca da jahonaj zadumy:
— Ludzi časam kažuć: «Nu što ź mianie ŭziać: prabiahu paru kiłamietraŭ i ŭsio». Ale paviercie, navat hetyja paru kiłamietraŭ mohuć dapamahčy. I čym nas bolš — tym bolš dabra my možam zrabić».
Jakija ŭmovy zabiehu?
-
va ŭdzielnikaŭ jość 24 hadziny, kab prabiehčy lubuju dystancyju — choć 1 km, choć 10;
-
kožny kiłamietr aceńvajecca na 1 biełaruski rubiel;
-
paśla zaviaršeńnia akcyi vynikovaja suma budzie pieraličana fondu «Šans». Hrošy pojduć na lačeńnie dziaciej.
Zabieh možna pravieści ŭ luboj miaścinie Biełarusi. Nie treba pryjazdžać u Minsk — dastatkova vyjści na vulicu ŭ svaim horadzie i prabiehčy stolki, kolki paličycie patrebnym. Sam Pavieł płanuje biehčy ŭsie 24 hadziny biez snu.
Pačatak — 13 śniežnia a 09:00. Finiš — 14 śniežnia a 09:00.
Padrabiaznaści pra toje, jak uziać udzieł u akcyi, možna znajści tut.
Ciapier čytajuć
Zahinuŭ biełaruski dobraachvotnik Alaksiej Łazaraŭ7
Kamientary