Lehkavik sutyknuŭsia z traktaram — zahinuŭ adzin čałaviek, dvoje atrymali ciažkija traŭmy
U Žabincy ŭ vyniku sutyknieńnia lehkavoha aŭtamabila z traktaram zahinuŭ adzin čałaviek, jašče dvoje atrymali ciažkija traŭmy.
Jak paviedamiła inśpiektar adździaleńnia pa ahitacyi i prapahandzie DAI Bresckaj vobłaści Natalla Kaśjanik, avaryja adbyłasia 20 krasavika ŭ 16 hadzin na vulicy Kamarova. 32‑hadovy žychar Žabinki, kirujučy aŭtamabilem «Opiel‑Kadet», vyjechaŭ na pałasu sustrečnaha ruchu i sutyknuŭsia z traktaram «MTZ—82» z pryčepam, jaki ruchaŭsia ŭ sustrečnym kirunku.
U vyniku DTZ kiroŭca «Opiel‑Kadeta» pamior na miescy zdareńnia.
Pasažyrka lehkavoha aŭtamabila — 40‑hadovaja žycharka Žabinki — atrymała zakrytuju čerapna‑mazhavuju traŭmu, strasieńnie mazhoŭ, šmatlikija ŭdary, rany i pierałomy. Taksama paciarpieŭ traktaryst — 42‑hadovy žychar rajcentra. U jaho zakryty pierałom tazavaj kości. Paciarpiełyja dastaŭleny ŭ Žabinkaŭskuju centralnuju rajonnuju balnicu.
Traktar «MTZ‑82» naležyć adnamu z pradpryjemstvaŭ rehijonu.
Raspačata sprava pa č. 2 art. 317 Kryminalnaha kodeksa (parušeńnie praviłaŭ darožnaha ruchu ci ekspłuatacyi transpartnych srodkaŭ).
Jak adznačyła Kaśjanik, sioleta heta pieršaje ŭ vobłaści DTZ z udziełam traktara.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary