Biełaruska viarnułasia z Polščy i kupiła sielskuju škołu, dzie raniej vučyłasia — što jana tam robić?
Maci ŭ dekrecie Taćciana Śnitko nie tak daŭno viarnułasia z Polščy ŭ Biełaruś. Pabačyŭšy abjavu, što ŭ jaje rodnaj vioscy Chadaki ŭ Ivacevickim rajonie na prodaž vystavili začynienuju škołu, jana vyrašyła ryzyknuć i kupić budynak, kab raźvivać na miescy biznes.
Praz paŭhoda ramontnych prac žančyna adkryła tam fotastudyju. Pakul u fotastudyi pad nazvaj «Alfa» dastupnyja dźvie prastory — kožnaja pa 35 m². Pracuje jana štodzionna z 9 da 21 hadzin, i adna hadzina arendy pamiaškańnia kaštuje tam 50 rubloŭ.
Pa adukacyi ŭładalnica studyi śpiecyjalistka ŭ śfiery turyzmu. Jana raźličvaje, što atrymanyja viedy buduć dapamahać joj u novaj spravie.
Cikavaja sama historyja pieraŭvasableńnia staroj sielskaj škoły. Taćciana zmahła kupić jaje ŭsiaho za 40 biełaruskich rubloŭ, bo za bolš vysokuju canu pakupnikoŭ nie znachodziłasia (dyj kali košt upaŭ da 40 rubloŭ, na aŭkcyjon pryjšła adna Taćciana).
Bolšaść prac u škole, dzie žančyna, darečy, sama niekali navučałasia, jana rabiła svaimi rukami. Pašancavała, što ŭvohule stan budynka byŭ niadrennym — dźviery, dach i vokny akazalisia cełymi, tamu dastatkova było źniać staryja špalery, patynkavać i pafarbavać ścieny, zamianić ručki ŭ dźviarach.
Samym pracajomkim akazaŭsia praces zamieny staroj pravodki na novuju, padklučeńnie vady i ŭstanoŭka santechniki — hetyja raboty davieryli prafiesijanałam.
«Kab nanoŭ zapuścić elektryčnaść u škole, dla elektramantažnych prac byli zakuplenyja kabieli, złučalnyja karobki, razietki, vyklučalniki, mantažnyja karobki, lampy, aŭtamaty, rubilnik, ličylnik, korpus vialiki i maleńki, macavańnie…» — pieraličvaje Taćciana.
Ramont u škole Taćciana sumiaščaje z maciarynstvam: jana haduje dźviuch dačok. U tym liku tamu mnohija nie zrazumieli, navošta jana ŭviazvajecca ŭ padobnuju avanturu: usio ž nabyćcio dziaržaŭnaha budynka za adnu bazavuju praduhledžvaje vykanańnie šerahu abaviazkaŭ ciaham hoda. Ale Taćciana hladzić u budučyniu pazityŭna i vieryć, što jaje biznes budzie zapatrabavanym.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary
A jeŝio łučšie - vykupi i otkroj!