Situacyja ŭ bankaŭskaj śfiery praciahvaje zastavacca niaprostaj. Pra heta zajaviŭ pieršy namieśnik staršyni kiraŭnictva Nacyjanalnaha banka Biełarusi Pavieł Kałaur 23 krasavika ŭ Minsku na pasiadžeńni Mižnarodnaha kaardynacyjnaha savieta bankaŭskich asacyjacyj (MBS) krain SND, Centralnaj i Uschodniaj Jeŭropy.
Jon skazaŭ, što na siońnia adznačajecca aptymistyčny rost suśvietnaj ekanomiki. «Razam z tym my pavinny pamiatać pra nazapašanyja ryzyki ŭ bankaŭskaj sistemie, jakija buduć realizoŭvacca sioleta», — padkreśliŭ pieršy namieśnik kiraŭnika Nacbanka.
Pavodle jaho słoŭ, heta prablema aktualnaja i dla biełaruskich bankaŭ. «Našy prahnozy pa prablemnych aktyvach na kaniec hoda — 10%, my ŭžo majem 5,5%», — skazaŭ Kałaur, adznačyŭšy rost hetaha pakazčyku ŭ paraŭnańni z pačatkam hoda.
«Viadoma, zapas tryvałaści ŭ pradpryjemstvaŭ u niejkaj stupieni zakančvajecca.
U toj ža čas zapas tryvałaści ŭ bankaŭ zastajecca na značnym uzroŭni. My prahnazujem, što sistema z hetymi vyklikami spravicca. Ale, biezumoŭna, heta zapatrabuje namahańniaŭ ad kiraŭnikoŭ našych bankaŭ dla taho, kab u novych umovach naładzić bolš aptymalnuju pracu svaich ustanoŭ», — skazaŭ pieršy namieśnik kiraŭnika Nacbanka.
Jon adznačyŭ, što banki, jak i realny siektar ekanomiki, vymušany pracavać u niaprostych umovach. Razam z tym bankaŭskaja sistema Biełarusi letaś spraŭlałasia z vykanańniem uskładzienych na jaje funkcyj naležnym čynam. «U nas nie było bankructvaŭ bankaŭ, našy banki spracavali z pryrostam, ale samaje hałoŭnaje, što jany praciahvali kredytavać ekanomiku. Udzielnaja vaha aktyvaŭ bankaŭskaj sistemy da VUP ciapier składaje 61,8% i ŭ paraŭnańni z anałahičnym pieryjadam jana vyrasła na 8%. Heta dobry pakazčyk, ale tut treba być abjektyŭnymi i adznačyć, što va ŭmovach padzieńnia suśvietnaj ekanomiki letaś u Biełarusi ŭsio ž dasiahnuty nievialiki rost VUP — 0,2%, h.zn. makraekanamičnyja ŭmovy dla našych bankaŭ u minułym hodzie ŭsio ž byli bolš spryjalnymi, čym u krain‑susiedziaŭ», — skazaŭ Kałaur.
Pry hetym jon adznačyŭ, što z boku ŭrada i Nacbanka była akazana surjoznaja padtrymka jak realnaha siektara ekanomiki, tak i samich bankaŭ z punktu hledžańnia padtrymańnia ich likvidnaści.
«Usio heta ŭ sukupnaści dazvoliła zabiaśpiečyć stan bankaŭ, jakoje my majem na siońniašni dzień», — skazaŭ naprykancy pieršy namieśnik kiraŭnika Nacbanka.
U pasiadžeńni Mižnarodnaha bankaŭskaha savieta biaruć udzieł bankiry bolš čym 10 dziaržaŭ: Biełarusi, Rasii, Ukrainy, Kazachstana, Kyrhyzstana, Azierbajdžana, Hruzii, Tadžykistana, Uźbiekistana, Polščy, Sierbii, a taksama kiraŭniki Nacbanka Biełarusi, Centrabanka Rasii, Ahienctva pa strachavańni ŭkładaŭ (RF). Arhanizatar mierapryjemstva — Asacyjacyja biełaruskich bankaŭ. Jak paviedamlajecca ŭ pres‑relizie asacyjacyi, adkryje mierapryjemstva kiraŭnik Nacbanka Biełarusi Piotr Prakapovič. Asnoŭnaje pytańnie pasiadžeńnia — «Efiektyŭnaje ŭzajemadziejańnie finansavaha i realnaha siektaraŭ jak asnova ekanamičnaha rostu ŭ krainach SND, Centralnaj i Uschodniaj Jeŭropy». Zapłanavana taksama sustreča ŭdzielnikaŭ pasiadžeńnia z kiraŭnictvam Nacbanka, šerah dvuchbakovych sustreč z kiraŭnikami biełaruskich bankaŭ.
U pasiadžeńni taksama biare ŭdzieł eks‑staršynia Dziarždumy RF Hienadź Sielaźnioŭ, jaki ciapier źjaŭlajecca staršynioj savieta dyrektaraŭ «Mosabłbanka».
Daviedka BiełaPAN. Mižnarodny bankaŭski saviet utvorany ŭ 2004 hodzie pry ŭdziele Asacyjacyi biełaruskich bankaŭ u metach raźvićcia miždziaržaŭnaha ekanamičnaha supracoŭnictva. Akramia asacyjacyj bankaŭ krain SND, jaho členam źjaŭlajecca Bankaŭskaja asacyjacyja krain Centralnaj i Uschodniaj Jeŭropy, jakaja abjadnoŭvaje banki z 25 jeŭrapiejskich dziaržaŭ.
Asacyjacyja biełaruskich bankaŭ (www.abbanks.by) stvorana ŭ 1990 hodzie dla kaardynacyi dziejnaści bankaŭ. Jaje členami źjaŭlajucca ŭsie biełaruskija banki i aŭdytarskija arhanizacyi, Biełaruskaja valutna‑fondavaja birža, Bankaŭski pracesinhavy centr.
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary