Tut niezvyčajnyja spalni. U Kałodziščach pradajecca śviežaŭźviedzieny katedž ź biarozavym hajem prosta na ŭčastku
U Kałodziščach pradajecca sučasny karkasny dom. Unutry — śvietły interjer, šmat vialikich voknaŭ, a na druhim paviersie — prastornyja spalni z vannymi. Dobry i sam učastak: dom, altanka i dziciačaja placoŭka ŭpisany ŭ biarozavy haj, piša Realt.by.
Dom byŭ pabudavany ŭ Kałodziščach u 2025 hodzie. Jon staić na manalitnym žalezabietonnym padmurku z uciapleńniem i hidraizalacyjaj.
Ścieny — karkasnyja z uciapleńniem u 15 sm. Na dachu lažyć mietaładachoŭka z uciapleńniem 20 sm. Płošča katedža — 234,49 m².
Dom dvuchpaviarchovy z ramontam, meblavany. Na pieršym paviersie raźmiaścilisia dźvie haścinyja, asobnaja kuchnia, sanvuzieł i kacielnia. Na padłozie lažyć łaminat, plitka. Mebla zroblena z masivu.
Kuchnia abstaŭlena bytavoj technikaj.
Taksama tut pradumany harderobnaja, vannaja i tualet. Na pieršym paviersie zroblena i saŭna.
Vada pastupaje z centralnaha vodapravoda, kanalizacyja — aŭtanomnaja. Aciapleńnie tut elektryčnaje, ale ŭviedzieny i haz. Dapamahaje i kamin u haścinaj.
Da doma prymykaje terasa, jakaja złučaje dom z altankaj. Darečy, siudy taksama padviedziena vada. Aharodžany ŭčastak zajmaje 12,5 sotki. Tut vykładzieny darožki, u pryrodny łandšaft upisana dziciačaja placoŭka, haspadarčaja pabudova. Na terytoryi rastuć vysokija biarozy.
Na dastupnaj adlehłaści znachodziacca kramy «Santa», «Jeŭraopt», novaja škoła z basiejnam i dziciačy sad.
Za 10 chvilin jazdy znachodziacca stancyi mietro «Uručča».
Cana doma składaje 299 tysiač dalaraŭ.
Kamientary