Cud nie adbyŭsia i biełaruskaja apazicyja čarhovy raz prajhrała vybary. Praŭda, prajhrała nie ŭčora, nie pazaŭčora, ale značna raniej. Apošni zvanok prahučaŭ u toj dzień, kali viadomymi stali vyniki farmavańnia vybarčych kamisijaŭ. Jašče možna było z honaram syjści z dystancyi, zajaviŭšy: vašyja pryncypy, vašyja sudździ, stadyjon i publika (miedyi), dyk i hulajcie sami ŭ svoj vybarčy futboł.
Ale voś i pytańnie: ci sapraŭdy było takoje mahčyma? Na žal – nie, nie było. Čamu? Bo pa druhi bok łukašenkaŭskaj barykady niama aŭtarytetnaha, charyzmatyčnaha lidera. Lidera, na čyj hołas pajšła b hramada. Nichto navat nie ryzyknuŭ uziać na siabie taki hruz, a padstrachoŭka partyjnych kiraŭnikoŭ dajšła da miežaŭ absurdu, kali zdymajučy z vybaraŭ svaje partyi, rašeńnie bałatavacca ci nie bałatavacca pakidałasia za radavymi partyjcami. I heta zrazumieła, navošta karalu ryzykavać nieisnujučaj vopratkaj, kali radavy siabra partyi moža raptam zakryčać: pahladzicie, a naš karol hoły. To bok pajści ŭ kandydaty nasupierak partyjnaj viarchušcy.
Za ŭdziełam u vybarach nazyvalisia dva asnoŭnyja arhumienty. Pieršy - idziem kab niečamu vučycca i skarystać dośvied u prezidenckich vybarach. Druhi - idziem da vybaraŭ kab dakazać falsifikacyju vynikaŭ. Arhumienty mutnyja. Bo i čamu novamu, čaho nie viedali raniej, navučylisia kandydaty? I kamu dakazali falsifikacyju? Vybarčym kamisijam? Uładzie? Nibyta jany ab tym nie viedali raniej? A voś adsutnaść i liderstva, i stratehii dakazali i ŭładzie, i hramadztvu. Praŭda, hramadztvu ŭžo daŭno na palityku naplavać, a voś Alaksandr Łukašenka moža zapisać plus na svoj rachunak. Paśla niepryjemnych pierabojaŭ z Bakijevym, Miadźviedzievym i ŭsim astatnim śvietam, i ŭ jahonaje vakonca zaśviaciła sonca. U pierakładzie na prozu – ni ukrainski, ni kirhizski varyjanty biełaruskaj uładzie nie pahražajuć. Pry nahodzie prezidenckich vybaraŭ, jak i raniej možna biez sumnievu malavać patrebnyja adsotki.
Hulać u vybary na pryncypach ułady, u tatalitarnaj krainie apazicyja moža tolki ŭ adnym vypadku – kali jana zdolnaja abaraniać vybarčy vynik. Abaraniać nie ŭ sudzie, nie hučnymi zajavami i rezalucyjami. Abaraniać na vulicy.
Pakul u biełaruskaj apazicyi niama lidera, chto palityčnaj charyzmaj chacia b na sto krokaŭ nabližaŭsia da aktualnaha kiraŭnika dziaržavy, darma raźličvać na jaki kolečy vybarčy pośpiech.
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
Ciapier čytajuć
Babaryka: Kali b my pieramahli — vajny va Ukrainie nie było b21
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»66
Kamientary