Fiermier u Białynickim rajonie zamiest hazvady vypiŭ jadachimikat — nieaściarožnaść kaštavała žyćcia
U Mahilovie ŭ balnicy pamior 53‑hadovy pacyjent z vostrym atručeńniem — mužčyna pamyłkova vypiŭ jad. Sudovyja ekśpierty vyznačyli, čym mienavita atruciŭsia mužčyna.
Vyśvietliłasia, što heta adziny vypadak takoha śmiarotnaha atručeńnia ŭ Mahiloŭskaj vobłaści za apošnija 25 hadoŭ.
Zahinuły byŭ fiermieram. Jon uziaŭ dla apracoŭki raślin jadachimikat ciomna-karyčnievaha koleru, častku adliŭ u płastykavuju butelku z-pad hazavanaha napoju. Praz karotki čas pa pamyłcy pačaŭ pić z hetaj butelki — zrabiŭ usiaho adzin hłytok…
Samastojnaje pramyvańnie straŭnika i pryjom lekaŭ nie dapamahali: z skarhami na vanity, młosnaść, boli pa ŭsim žyvacie mužčynu špitalizavali. Na nastupny dzień stan pacyjenta rezka pahoršaŭ, mužčyna pamior.
Ekśpierty-chimiki daśledavali vadkaść, jakuju ŭžyŭ mužčyna, — u joj vyjaŭlena chimičnaje złučeńnie dykvat. U kryvi i piečani pamierłaha taksama ŭtrymlivałasia heta rečyva, jakoje źjaŭlajecca piestycydam, što vykarystoŭvajecca dla źniščeńnia pustaziella. Pavodle vysnoŭ ekśpierta, śmierć mužčyny nastupiła ad vostraha atručeńnia piestycydami, uskładnienaha vostraj nyrkavaj niedastatkovaściu i DVS-sindromam.
Preparaty na asnovie dykvatu vykarystoŭvajucca jak hierbicydy (dla źniščeńnia pustaziella). Adnosiacca da 2‑ha i 3‑ha kłasaŭ niebiaśpieki dla čałavieka ( 2‑hi kłas — vysoka niebiaśpiečnyja, 3‑ci kłas — umierana niebiaśpiečnyja). Śmiarotnaja doza dla čałavieka padčas pryjomu ŭnutr składaje prykładna 100 mł.
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy1
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary