Chutčej za ŭsio pakarajuć štrafam albo "sutkami", - kaža hramadzki aktyvist z Babrujsku
Jak paviedamiŭ karespandentu «NN» sam Aleś Čyhir, siońnia jaho zranku dastavili va UUS Babrujskaha harvykankamu, dzie skłali pratakoł pavodle art. 166 Administracyjnaha kodeksu (niepadparadkavańnie supracoŭnikam milicyi) i č. 1 art. 167 (parušeńnie praviadzieńnia praviłaŭ pikietaŭ, mitynhaz i h.d.). Potym «zaprasili» pryjści a 14-j hadzinie dnia ŭ sud Babrujskaha rajonu i horadu Babrujsku, što mieścicca na vulicy Kastryčnickaj.
Aleś źjaviŭsia tudy a pryznačanaj hadzinie, adnak sudździa Čarapuk pieraniesła pasiedžańnie na sieradu, 13 vieraśnia. Pačatak a 15-j.
Aleś zaznačaje, što prysud moža być lubym. "Papiaredžańnie małavierahodna, chutčej albo štraf, albo sutki". Adnak milicyjanty, zaznačaje jon, staviacca zyčliva.
Adznačym, što na 22-23 vieraśnia ŭ Babrujsku zaplanavanyja ahulnarespublikanskija «Dažynki». Nia vyklučana, što horad "začyščajuć" ad niepažadanych hramadzkich dziejačoŭ.
Nahadajem, što 31 žniŭnia Alesia Čyhira zatrymali ŭ časie niesankcyjanavanaj akcyi. Deputat harsavietu źbiraŭsia prykuć siabie da lichtara la harvykankam uaharodžy na znak pratestu suprać taho, što jamu nie padoŭžyli pracoŭny kantrakt. Aleś Čyhir pierakanany, što jaho zvolnili sa škoły za aktyŭny ŭdzieł u prezydenckaj kampanii 2006 hodu.
Kamientary