U druhim kvartale žyłoha kompleksu «Paŭnočny bierah» źjaviłasia novaja zialonaja zona — «Forest Park». Płošča terytoryi — kala 1,2 hiektara. Park adkryty dla ŭsich, piša Onliner.
Stvaralniki pasprabavali maksimalna zachavać naturalny reljef i drevy, z pryčyny čaho park raźmiaścili ŭ nievialikaj nizinie — prykładna na 5 mietraŭ nižej za ŭzrovień navakolnych damoŭ. Kab paźbiehnuć prablem ź liŭnioŭkaj, tut prymianili sistemu «daždžavoha sadu»: vada paśla apadkaŭ źbirajecca ŭ admysłova adviedzienaj zonie i pastupova idzie ŭ hrunt. U hetaj častcy vysadzili vilhacielubivyja raśliny i vierby.
U parku ŭdałosia zachavać 189 dreŭ i dadatkova vysadzić jašče 69 dreŭ i kala 190 kustoŭ.
Na terytoryi ŭładkavanyja leśvicy, pandusy, darožki, aśviatleńnie, zony adpačynku i niekalki hulniavych placovak. U centralnaj zonie ŭstalavali kanatnuju darohu, šyrokuju horku, batuty. Usio abstalavańnie vykananaje ŭ ekastyli.
Dla darosłych praduhledžanyja placoŭki dla piknikoŭ sa stałami i łaŭkami, dźvie ź ich majuć zony dla barbiekiu. U roznych punktach parku možna znajści areli, łaŭki ź vidam na drevy i nievialikija zacišnyja kutki.
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary
Znaju etoho "fotohrafa", kotoryj nikohda v žiźni fotohrafirovať nie umieł, no vsiehda był anhažirovan. Čudiesa.