Frydrych Mierc sotni razoŭ źviartaŭsia ŭ palicyju praz abrazy ŭ internecie
Kalehi pa partyi kanclera adznačali, što vobšuki praz prostyja abrazy — naprykład, kali niechta nazvaŭ Mierca «brudnym pjanym durniem» — usprymajucca jak niepraparcyjnyja.
Z 2021 hoda kancler Hiermanii Frydrych Mierc šmat razoŭ damahaŭsia jurydyčnaha pieraśledu za abrazy i, vierahodna, padaŭ sotni zajavaŭ ab zaviadzieńni kryminalnych spraŭ. U asnoŭnym heta tyčyłasia abraz u sacyjalnych sietkach, paviedamlajecca ŭ rasśledavańni haziety Welt am Sonntag, piša Bild.
Deputacki ofis kanclera paćvierdziŭ, što Mierc u minułym składzie parłamienta, kali jašče nie byŭ kancleram, sapraŭdy padavaŭ takija zajavy, ale ŭsie štrafy i kampiensacyi byli całkam pieraličanyja na dabračynnaść.
Unutry błoka CHDS/CHSS hetyja miery vyklikali sprečki. Kalehi pa partyi kanclera adznačali, što vobšuki z-za prostych abraz — naprykład, kali niechta nazvaŭ Mierca «brudnym pjanym durniem» — usprymajucca jak niepraparcyjnyja. Paźniej sud pryznaŭ vobšuk pavodle hetaj spravy niezakonnym.
Jurysty taksama vykazali sumnieńnie. Advakaty, jakija pradstaŭlali abvinavačanych, častkova krytykavali «zanadta rezkuju reakcyju» pravaachoŭnych orhanaŭ: u niekalkich vypadkach pravodzilisia vobšuki ŭ damach abo kanfiskoŭvalisia mabilnyja telefony, choć abvinavačanyja ŭžo pryznali svaje vykazvańni.
Pry hetym, pavodle słoŭ adnaho z advakataŭ, tolki niamnohija rasśledavańni byli daviedzienyja da pakarańnia.
Niekalki rasśledavańniaŭ byli raspačatyja nie ź inicyjatyvy Mierca, a paśla paviedamleńniaŭ ad starońnich struktur — častkova na padstavie zakonu, jaki dazvalaje pieraśledavać abrazy ŭ adras publičnych palityčnych dziejačaŭ i bieź ich zajavaŭ.
Kamientary
Hiermanija heta vam nie Letuva, dzie vydańni mohuć drukavać abraźlivyja kamientary ŭ adras publičnych palityčnych dziejačaŭ i adčuvać siabie biespakarana.
Zria vy na Friedika opołčiliś.