Лукашэнка — Бастрыкіну: Мы прытрымліваемся адной лініі, адной пазіцыі
Аляксандр Лукашэнка сустрэўся са старшынёй Следчага камітэта Расійскай Федэрацыі Аляксандрам Бастрыкіным, піша БелТА.
«Ваш візіт у Беларусь я заўсёды ўспрымаю як вельмі важны. І наша з вамі сустрэча, і ваш візіт да мяне — гэта не толькі візіт ветлівасці, як кажуць дыпламаты. Хоць і не без гэтага. Ёсць пра што пагаварыць, абмеркаваць пытанні. Мы з вамі пільнуемся адной лініі, адной пазіцыі. У нас ніколі не было разыходжанняў пры ацэнцы ні ўнутраных, ні знешніх фактараў існавання Расіі, Беларусі. Таму для мяне вельмі важна, што вы хоць на некалькі хвілін, але зазірняце да мяне, і мы зможам зверыць гадзіннікі. Для мяне гэта, падкрэсліваю, вельмі важна. Вы сапраўдны не толькі мой сябар, але і нашага беларускага народа», — сказаў ён.
Аляксандр Лукашэнка адзначыў, што ўважліва, наколькі гэта магчыма, сочыць за працай Аляксандра Бастрыкіна. «Вельмі рады, што ў складаныя і цяжкія часы вам усё ж удаецца нейкім чынам утрымліваць сваю сістэму, структуру і працаваць на карысць не толькі Расіі, але і нашага саюзу, які мы імкнёмся стварыць», — сказаў ён.
У сваю чаргу Аляксандр Бастрыкін падзякаваў за магчымасць сустрэчы. «Хацеў бы вас праінфармаваць, што толькі што я пабываў на сур’ёзнай міжнароднай канферэнцыі, прысвечанай генацыду савецкага народа, рабіў там выступленне», — адзначыў ён.
-
Святлана Ціханоўская сустрэлася ў Варшаве з беларускімі добраахвотнікамі і валанцёрамі
-
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў
-
Журналістка Ганна Любакова будзе весці на «Белсаце» шоу з дэпутатамі Еўрапарламента
Цяпер чытаюць
Рэдактара незалежнай баранавіцкай газеты «Інтэкс-Прэс» Янукевіча прысудзілі да 14 гадоў калоніі, яго намесніка Пакаленку — да 12 гадоў8
Каментары