Ambasadar Daŭhaloŭ: Systema budaŭnictva «sajuznaje dziaržavy» niežyćciazdolnaja

Nadzvyčajny i Paŭnamocny ambasadar Biełarusi ŭ Rasiei Vasil Daŭhaloŭ nazyvaje systemu «sajuznaha» budaŭnictva niežyćciazdolnaj. «Kali jość uzajemnaje imknieńnie da intehracyi, da jadnańnia našych narodaŭ, jość palityčnaja vola prezydentaŭ, jakija zamacoŭvajuć podpisami vysokija damovy, ale systema budaŭnictva «sajuznaje dziaržavy» niežyćciazdolnaja, to, moža, śled prymać zachady da samoj systemy», – zajaviŭ biełaruski dyplamat u interviju, što apublikavana sa sajcie ambasady Biełarusi ŭ Rasiei.

Spadar ambasadar adznačyŭ važnaść stvareńnia roŭnych umovaŭ dla hramadzianaŭ «na ŭsioj terytoryi «sajuznaje dziaržavy», što zaraz budujecca, – ad Bieraścia da Kuryłaŭ». Najvyšejšaje dasiahnieńnie tut – padpisańnie našymi prezydentami 24 studzienia kankretnych pahadnieńniaŭ u sfery achovy zdaroŭja, svabody pieramiaščeńnia hramadzianaŭ, ich sacyjalnaha zabieśpiačeńnia, padatkovaj sfery», – padkreśliŭ V.Daŭhaloŭ. Razam z tym jon źviarnuŭ uvahu na toje, što «anivodnaje z hetych pahadnieńniaŭ, padpisanych na najvyšejšym uzroŭni, nie atrymała jurydyčnaje mocy». «Ci viedajecie, čaho tak? Abodva baki jašče nie praviali nieabchodnych dla ratyfikacyi ŭnutrydziaržaŭnych praceduraŭ. Taki samy los maje i šerah davoli važnych pahadnieńniaŭ, padpisanych jašče ŭ 2000–2002 h.», – zaŭvažyŭ V.Daŭhaloŭ.

Ambasadar taksama krytyčna azvaŭsia pra rašeńni rasiejskaha boku ŭvieści mytny kantrol na miažy i zajaviŭ, što «ŭstalavańnie mytnaha režymu ŭ adnabakovym paradku pryviało da taho, što na ŭjeździe na rasiejskuju terytoryju ź Biełarusi čarha mašynaŭ mieła ad 7 da 8 kilametraŭ daŭžyni». «Mnie navat davodziłasia admysłova fatahrafavać tyja čerhi i pakazvać premjer-ministram i prezydentam Biełarusi i Rasiei», – raspavioŭ jon.

Pavodle słovaŭ V.Daŭhalova, za dziesiać hod pracy ŭ sfery sajuznaha budaŭnictva jamu nieadnakroć davodziłasia brać udzieł u pravierkach na miažy, što sačyli, jak padakcyznyja tavary z trecich krainaŭ prachodziać miažu. «Usie zamiery pakazvajuć: uzajemny pieratok tavaraŭ składaje ŭ hod ad 40 da 50 młn dalaraŭ. Ci varta haradzić aharod na ŭzroŭni paharšeńnia dvuchbakovych stasunkaŭ? Bo što takoje 50 młn nasuprać 18-miljardnaha tavarazvarotu? Heta – ličba z mnostvam nuloŭ pierad koskaj», – zajaviŭ biełaruski dyplamat. Urehulavańniem musiać zajmacca padatkovyja i pravaabarončyja orhany, miarkuje V.Daŭhaloŭ.

❏

Fota photo.bymedia.net

• 0
• 0
• 0
• 0
• 0
• 0
• 0
• 0