Śpiecsłužby nie dazvolili aktyvistam «Moładzi BNF» pravieści viełaprabieh pamiaci Bahdanoviča
Supracoŭniki śpiecsłužbaŭ nie dazvolili aktyvistam «Moładzi BNF» pravieści 27 maja ŭ Minsku viełaprabieh pamiaci biełaruskaha paeta Maksima Bahdanoviča.
Jak paviedamiŭ aktyvist maładziožnaj arhanizacyi Partyi BNF Franak Viačorka, akcyja pavinna była startavać kala steły na skryžavańni praśpiektaŭ Mašerava i Pieramožcaŭ. «My źbiralisia prajechać pa vieładarožcy cieraz horad, naviedać pomnik i muziej Bahdanoviča, adnak na padjeździe da steły nas pačali zatrymlivać supracoŭniki śpiecsłužbaŭ u cyvilnym, jakich było čałaviek dziesiać», — skazaŭ Viačorka. Pavodle jaho słoŭ, byli kanfiskavany bieł‑čyrvona‑bieły ściah, majki, nalepki z vyjavaj Bahdanoviča, simvolika «Moładzi BNF».
Byli zatrymany Viačorka, Dźmitryj Parmon, Andrej Krečka, Anton Kojpiš. Pieršyja dva byli źbity, pry hetym Parmonu złamali klučycu, i jon byŭ dastaŭleny ŭ 6‑iu kliničnuju balnicu.
Viačorka zajaviŭ pra namier źniać paboi i źviarnucca sa skarhaj na dziejańni supracoŭnikaŭ śpiecsłužbaŭ.
Kamientary