«Fantazija i sproba prysabiečyć vyniki, jakija tabie nie naležać». Kavaleŭski žorstka krytykuje Ofis Cichanoŭskaj za palitviaźniaŭ
Biełaruskaja apazicyja nie ŭpłyvaje na praces vyzvaleńnia palitviaźniaŭ, bo niama pramoha ŭdziełu ŭ kansultacyjach, zajaviŭ kiraŭnik Ahienctva jeŭraatłantyčnaha supracoŭnictva Valer Kavaleŭski ŭ intervju Radyjo Svaboda.
«Kaalicyja za vyzvaleńnie palitviaźniaŭ u Biełarusi taksama maje mahčymaść sustrakacca z udzielnikami pieramoŭnaha pracesu, infarmavać ich pra situacyju ŭ Biełarusi, davać rekamiendacyi. Ale toje, ci buduć jany hetym karystacca, zaležyć vyklučna ad ich. Tut treci bok budzie absalutna lišni ŭ hetym pracesie», — kaža były pradstaŭnik pa zamiežnych spravach u APK.
Jon kaža, što bačyć, jakaja była evalucyja ŭ Ofisa Śviatłany Cichanoŭskaj i Abjadnanaha pierachodnaha kabinieta datyčna amierykanskaha treka.
«Napačatku jany byli kateharyčna suprać, jany byli ŭ rospačy, razhublenyja. Bo taja formuła, jakoj karystajucca amierykancy, supiarečyć ich — izalacyja, cisk i niepryznańnie. Adno toje, što treba razmaŭlać ź biełaruskimi dypłamatami — heta ŭžo razbureńnie izalacyi. Toje, što treba jechać da Łukašenki i paciskać jamu ruku — abnulaje palityku niepryznańnia. Admiena sankcyj — heta taksama arhumient, jaki razburany całkam. A ŭsio heta nieabchodna dla taho, kab ludzi vychodzili na svabodu. I kali ja siońnia čuju ad Ofisa zajavy, što heta jany ŭsiaho damahlisia i padtrymlivajuć takuju palityku, to luby čałaviek moža adkazać, dzie tut vydumka, a dzie fantazija i sproba prysabiečyć vyniki, jakija tabie nie naležać», — kaža Kavaleŭski.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary