Tramp abvinavaciŭ Zialenskaha ŭ pijary: Ukraina ničoha nie zrabiła na Blizkim Uschodzie
Prezident ZŠA taksama raskrytykavaŭ prezidenta Ukrainy, zajaviŭšy, što ź im składaniej damaŭlacca, čym z Pucinym.
Prezident ZŠA nazvaŭ dapamohu, jakuju Ukraina akazvaje krainam Blizkaha Uschodu, «palityčnym pijaram» prezidenta Uładzimira Zialenskaha, piša «Jeŭrapiejskaja praŭda».
Žurnalistka Stefani Ruł spytała amierykanskaha lidara pra dapamohu, jakuju Ukraina akazvaje blizkaŭschodnim sajuźnikam ZŠA, u tym liku ŭ baraćbie ź iranskimi dronami. Na heta, pavodle słoŭ žurnalistki, Tramp zajaviŭ, što Ukraina «nie zrabiła ničoha», a ŭsio, što ŭkrainski prezident kazaŭ pra dapamohu, jon rabiŭ dziela «palityčnych i pijar-metaŭ».
Paśla hetaha prezident ZŠA znoŭ raskrytykavaŭ Zialenskaha, zajaviŭšy, što ź im składaniej mieć spravu, čym z Uładzimiram Pucinym. Taksama, jak cytuje Trampa žurnalistka, jon dadaŭ, što rasijski kiraŭnik «nie baicca Jeŭropy».
Akramia taho, jon paŭtaryŭ svajo abureńnie tym, što sajuźniki pa NATO nie dapamahajuć ZŠA ŭ apieracyjach suprać Irana. U toj ža čas Tramp dadaŭ, što Vašynhtonu nie patrebna ich dapamoha.
Raniej Donald Tramp zajaŭlaŭ, što Złučanym Štatam nie patrebna dapamoha Ukrainy dla taho, kab źbivać iranskija drony na Blizkim Uschodzie.
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona1
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj22
Kamientary