Janocicha Jasienija, jakaja nielehalna pryjechała z ZŠA, znajšła muža ŭ Baranavičach
Radasnaja padzieja adbyłasia ŭ Parku žyvioł pad Baranavičy: janoty Jasieńnia i Maksim narešcie sustrelisia i ciapier žyvuć razam, piša BiełTA.

Pavodle słoŭ supracoŭnikaŭ, Maksim bolš kantaktny i sacyjalna adaptavany. «Jon bližej da čałavieka i hatovy dapamahčy Jasieni pryvyknuć da novaha žyćcia», — adznačyli ŭ parku.
Jasienija prybyła ŭ našu krainu z ZŠA ŭ marskim kantejniery, jaje vyjavili hrodzienskija mytniki. Spačatku žyvioła znachodziłasia na karancinie ŭ Ašmianskaj rajonnaj vieterynarnaj stancyi, paśla pierajechała ŭ Park žyvioł u Baranavičach.
U parku i vyśvietlili, što janot, jakoha spačatku ličyli chłopčykam i nazvali Sieniem, nasamreč dziaŭčynka. Joj pačali padbirać novaje imia i ŭ vyniku nazvali Jasienijaj dy aformili pašpart.
Ciapier Jasienija i Maksim buduć asvojvacca razam. Supracoŭniki parka abiacajuć sačyć za ich adnosinami i dzialicca navinami z naviedvalnikami.
Kamientary