Kamanda Stembridge, jakaja apynułasia ŭ Litvie paśla pieraśledu ŭ Biełarusi, zajmajecca arhanizacyjaj biełaruskamoŭnaj hrupy dziaciej u dziciačym sadku. Hrupu adkryjuć, kali nabiarecca minimum 15 dzietak. Zaraz prymajuć zajaŭki na małych ad 2 da 6 hadoŭ da kanca červienia.
«My chočam stvaryć biaśpiečnuju, sučasnuju i stymulujučuju adukacyjnuju prastoru ŭ Vilni, dzie maleńkija biełaruskija dzietki zmohuć zachoŭvać svaju identyčnaść i rodnuju movu, adnačasova atrymlivajučy najlepšuju intehracyju ŭ litoŭskaje hramadstva praź bilinhvalnuju madel navučańnia. My, biełaruskija piedahohi i kamanda Stembridge, a taksama baćki, jakija apynulisia ŭ Litvie, — usie my adnojčy sutyknulisia z adnym i tym ža pytańniem: jak zrabić tak, kab dzicia nie straciła siabie ŭ novym asiarodździ?
Adkaz, jaki my znajšli — nie chavacca ad rečaisnaści i nie rastvaracca ŭ joj. A stvarać prastoru, dzie biełaruskaje i litoŭskaje isnujuć pobač naturalna. Razmaŭlajučy pa-litoŭsku, vy nie staniecie litoŭcam — jak nie staniecie brytancam, razmaŭlajučy pa-anhlijsku. My padtrymlivajem svaje karani i ŭnikalnaść u šmatnacyjanalnym śviecie», — havorycca ŭ zvarocie.
U sadku dzietki-biełarusy buduć asvojvać adrazu try movy — biełaruskuju, litoŭskuju i anhlijskuju.
Biełaruskaja — hałoŭnaja mova kamunikacyi, hulniaŭ, emocyj i tvorčaści. Heta nie tolki narodnyja kazki, ale i mova, na jakoj abmiarkoŭvajuć robatatechniku, hladziać multfilmy, słuchajuć sučasnuju muzyku i sustrakajucca ź cikavymi ludźmi.
Litoŭskaja mova ŭvodzicca pastupova praz hulni i znosiny ź dzietkami z partniorskaha sadka Gervuogė («Ažyny») i intehracyi ŭ kulturnaje žyćcio Vilni.
Anhlijskaja mova budzie prysutničać u bytavych znosinach. Aktyŭnyja zaniatki pačynajucca ŭ hrupie Preschool.
Taksama kamanda abiacaje aktyŭnuju pracu z baćkami — kamuści heta moža dapamahčy navat ź intehracyjaj u litoŭskaje hramadstva.
Hrupu adkryjuć, kali nabiarecca minimum 15 dzietak. Ciapier prymajuć zajaŭki na małych ad 2 da 6 hadoŭ. Hrupa moža być adnaho ŭzrostu abo źmiešanaja — usio zaležyć ad zajavak. Zbor zajavak praciahniecca da kanca červienia.
Usie licenzii i dazvoły na adukacyju ŭžo jość, usio pa zakonie i z harantyjaj biaśpieki i jakaści, kažuć u sadku. Novy korpus na Hrunvaldskaj (Žalgirio g.), 135 zrobleny śpiecyjalna dla dzietak: śviatło narmalnaje, vientylacyja pracuje, usio erhanamična, materyjały biaśpiečnyja.
***
Kali vy žyviacie ŭ Litvie, to možacie padtrymać «Našu Nivu» častkaj vašaha padachodnaha padatku. Heta nie budzie kaštavać vam ani centa.
Vy prosta pieranakirujecie 1,2% ad užo spłačanaha vami padatku pry padačy štohadovaj dekłaracyi.
Voś padrabiaznaja instrukcyja, ja heta zrabić, kali vy pracujecie ŭ Litvie.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary