Narod Vienhryi zrabiŭ svoj vybar, i Rasija pavažaje jaho, zajaviŭ pres-sakratar prezidenta Rasii Dźmitryj Piaskoŭ, piša RBK.
«My raźličvajem na toje, što my budziem praciahvać našy prahmatyčnyja kantakty z novym kiraŭnictvam Vienhryi», — skazaŭ jon u adkaz na pytańnie, ci čakaje Maskva, što ŭrad pieramožcy na vybarach u Vienhryi «Cisy» razbłakuje kredyt Ukrainie na €90 młrd.
Jaho taksama spytali ab mahčymaj reakcyi rasijskaha boku.
«Jakija buduć dziejańni novaha kiraŭnictva Vienhryi, napeŭna, treba nabracca ciarpieńnia i pahladzieć, što budzie adbyvacca. My zacikaŭleny ŭ pabudovie dobrych adnosin ź Vienhryjaj, jak i ź inšymi krainami Jeŭropy», — adznačyŭ Piaskoŭ.
Kažučy pra pierśpiektyvy raboty trubapravoda «Družba» i jaho zapatrabavanaść dla Budapiešta i inšych krain kantynienta, pres-sakratar adznačyŭ, što «treba spytać ab hetym Vienhryju i jašče kaho-niebudź u Jeŭropie».
«Rasija źjaŭlajecca i budzie zastavacca adnym z samych nadziejnych pastaŭščykoŭ enierharesursaŭ u śviecie. U hetym płanie rolu Rasii niemahčyma pieraacanić», — skazaŭ Piaskoŭ.
Z kanca studzienia Ukraina prypyniła tranzit nafty pa paŭdniovaj halinie «Družby», jakaja viadzie ŭ Słavakiju i Vienhryju. U Kijevie rastłumačyli situacyju paškodžańniem trubapravoda i praciahłym ramontam. Terminy adnaŭleńnia pierakački niekalki razoŭ pieranosilisia, na minułym tydni Uładzimir Zialenski skazaŭ, što trubapravod budzie pačynieny da kanca viasny.
Videa ź pieramožnym tancam u Budapiešcie sabrała za noč bolš za miljon prahladaŭ
Pieter Madźjar nie vyklučyŭ pieramovaŭ z Pucinym
Chto taki Pieter Madźjar, jaki pieramoh Viktara Orbana
Orban pavinšavaŭ Madźjara ź pieramohaj
Orban razhromna prajhraŭ vybary ŭ Vienhryi. Apazicyja atrymała kanstytucyjnuju bolšaść u parłamiencie
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca3
Kamientary