Alaksandr Łukašenka 2 červienia prybyŭ z aficyjnym vizitam u Azierbajdžan, paviedamlaje azierbajdžanskaje dziaržaŭnaje ahienctva Azier Tadž.
U mižnarodnym aeraporcie imia Hiejdara Alijeva, upryhožanym ściahami dźviuch dziaržaŭ, u honar biełaruskaha prezidenta byŭ pašychtavany hanarovy karavuł.
Łukašenku sustreli pieršy namieśnik premjer‑ministra Azierbajdžana Jahub Ejiubaŭ i inšyja aficyjnyja asoby.
U śpiecyjalnym sałonie aeraporta dla vysokapastaŭlenych haściej adbyłasia karotkaja pratakolnaja sustreča pamiž pieršym namieśnikam premjer‑ministra Azierbajdžana i prezidentam Biełarusi.
Jak paviedamlaje pres‑słužba kiraŭnika biełaruskaj dziaržavy,
Alaksandr Łukašenka ŭ Baku praviadzie šerah pieramoŭ sa svaim azierbajdžanskim kaleham Ilchamam Alijevym,
pa vynikach jakich čakajecca padpisańnie pakieta dvuchbakovych dakumientaŭ u śfiery ekanomiki, infarmatyzacyi i infarmacyjnych technałohij, sacyjalnaj abarony, achovy navakolnaha asiarodździa, statystyki.
Prahramaj vizitu prezidenta Biełarusi, jaki zavieršycca 4 červienia, zapłanavana taksama sustreča z premjer‑ministram Azierbajdžana Arturam Rasi‑zade, naviedvańnie pramysłovych i kulturnych abjektaŭ stalicy, znakavych dla azierbajdžanskaha naroda miescaŭ.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary