Dziaŭčynu zavuć Alesia i jana taksama ekanamist.
Jarasłaŭ Ramančuk, jakoha Abjadnanaja hramadzianskaja partyja vybrała svaim kandydatam u prezidenty, vyrašyŭ žanicca. Nahadajem, stać žanatym jamu paraili siabry partyi: maŭlaŭ, siamiejny čałaviek bolš pryvabny dla vybarščykaŭ.
Paśla peŭnych vahańniaŭ Jarasłaŭ Ramančuk vyrašyŭ pradstavić svaju abrańnicu, jakuju zavuć Alesia.
«Heta čałaviek, jaki zajmajecca ekanamičnym analizam, buchhałteryjaj, mahistrantka. Čałaviek, jaki vielmi lubić pracu, lubić svabodu. I kachaje mianie! My źjaŭlajemsia paplečnikami — i heta vielmi pryjemna. Heta padstava dla dobraha i harmaničnaha partniorstva ŭ žyćci».
Vyśvietliłasia, što ažanicca Jarasłaŭ z Alesiaj płanavali peŭny čas tamu, ale zaškodzili sumnyja abstaviny — u studzieni pamior baćka Ramančuka, i viasielle vyrašyli adkłaści. Hetaja sumnaja padzieja, kaža Jarasłaŭ, nie dazvalaje vyrašyć pytańnie z šlubam užo siońnia.
Ale ŭ tym, što Alesia budzie paŭsiul supravadžać jaho padčas vybarčaj kampanii, Ramančuk nie ŭpeŭnieny:
«Jana ž pracuje! Kali budzie ŭ hetym vielizarnaja patreba, to heta adno, ale tut ža treba, kab jaje z pracy jašče adpuścili. Heta ž nie praca — być pobač z palitykam. Tamu, treba, kab jana pracavała i stanaviłasia na nohi — heta dla jaje asnoŭnaje».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary