Pantyfik krytyčna vykazaŭsia pra błasłaŭleńnie homaseksualnych par niamieckaj carkvoj, piša Bild.
«Śviaty Pasad jasna daŭ zrazumieć, što my nie zhodnyja z farmalizavanym błahasłaŭleńniem par, u dadzienym vypadku homaseksualnych par abo par u niezvyčajnaj situacyi, zvyš taho, što było dazvolena [papiarednim] Papam Franciškam, kali jon skazaŭ, što ŭsie mohuć atrymlivać błahasłaŭleńnie».
Havorka idzie taksama pra niezarehistravanyja pary — abo pary, jakija nie znachodziacca ŭ carkoŭnym šlubie.
Takim čynam Papa reahuje na dziejańni kardynała Rajncharda Marksa, byłoha staršyni Niamieckaj biskupskaj kanfierencyi.
Marks niadaŭna ŭ svajoj jeparchii Miunchiena i Frajzinha dazvoliŭ błasłaŭleńnie homaseksualnych par. Padstavaj stała rekamiendacyja Niamieckaj biskupskaj kanfierencyi i Centralnaha kamiteta niamieckich katolikaŭ, pryniataja ŭ minułym hodzie. Pa hetym pytańni jon užo «razmaŭlaŭ ź niamieckimi biskupami», paviedamiŭ Leŭ XIV.
Razam z tym Leŭ zaklikaje da adzinstva: «Vielmi važna razumieć, što adzinstva abo padzieł carkvy nie pavinny krucicca vakoł pytańniaŭ seksualnaści. U nas jość tendencyja dumać, što kali carkva havoryć pra maral, jana havoryć tolki pra seksualnuju maral. Nasamreč, ja liču, jość značna bolš bujnyja i važnyja temy, takija jak spraviadlivaść, roŭnaść, svaboda mužčyny i žančyny, svaboda relihii».
Kamientary