Biełaruskija pamiežniki navučyli simpatyčnuju rasijanku pravilna nazyvać našu krainu. A taja mocna pakryŭdziłasia
Aficyjny akaŭnt pamiežnaj słužby Biełarusi paraiŭ haściam krainy zapomnić pravilnuju nazvu — Biełaruś, a nie Biełoruśsija. Što tut pačałosia…
Pieršapačatkovy dopis byŭ pryśviečany tamu, byccam čałavieku na miažy «Biełoruśsii» anulavali rasijski pašpart. U jakaści dokazaŭ byŭ i zdymak dakumientu sa štampam «Anulavana».
Tłumačyć situacyju ŭ kamientary pryjšoŭ aficyjny akaŭnt pamiežnaj słužby Biełarusi: «Pamiežnaja tłumačalnaja bryhada pryjechała: pamiežnaja słužba nie zajmajecca anulavańniem pašpartoŭ. Kali b byli niejkija prablemy z dakumientam, to my b jaho prosta zabrali.
I kali ŭžo vy ŭ nas u haściach, nahadajem, što pravilna nazyvać našu dziaržavu — Respublika Biełaruś ci Biełaruś».
Kamientar pamiežnikaŭ nabraŭ bolš za tysiaču łajkaŭ. Ale rasijanie ŭ kamientarach ašaleli. Pajšoŭ typovy nabor arhumientaŭ: naprykład, pra Hiermaniju, jakuju pa-rusku nichto Dojčłandam nie nazyvaje. I pieśniu «Pieśniaroŭ», kaniečnie, zhadali.
Asabliva mocna pakryŭdziłasia rasijanka Alaksandra Mielakova. Jana pryznałasia, što raniej ličyła: kamientary pra nieluboŭ biełarusaŭ da rasijan pišuć tolki boty. Ale pabačyŭšy kamientar u «pavučalna-sarkastyčnym» tonie ad pamiežnaj słužby, mocna pakryŭdziłasia.
Kaža, raniej čuła pra Biełaruś šmat dobraha i chacieła tudy źjeździć, ale ciapier budzie vandravać pa radzimie ci inšych krainach, dzie jaje «nie vučać, jak razmaŭlać na svajoj movie». Biełarusy ŭ kamientarach radujucca takomu rašeńniu. A Alaksandra nie lanujecca nazvać kožnaha botam.
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Siamiejka sa Smalenska. Kryčali, što im treba jechać». Pjany pasažyr pabiŭsia z achoŭnikami minskaha mietro
Siamja z Rasii haniała pa Biełarusi na kaśmičnaj chutkaści, a ciapier hanarycca kolkaściu apłačanych štrafaŭ
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
[Zredahavana]