Franak Viačorka: U nas afihiennaja dyjaspara, ale nyćcio pra toje, što ŭsio kiepska, dematyvuje. My nie ŭmiejem pradavać pośpiechi
«Byvaje, pryjazdžajem na sustreču, usie nyjuć: usio kiepska, dakumienty nie vydajucca. Potym pačynaješ kapać: nivodnaha kankretnaha kiejsu, jaki možna było b uziać, vyrašyć».
«U nas afihiennaja dyjaspara, jana absalutna nievierahodnaja. I kali raniej kazali: treba pavučycca ŭ habrejaŭ, jašče ŭ kahości, — zaraz usie vučacca ŭ nas i nam treba prosta razbudoŭvać hety patencyjał, nakolki mahčyma». Takoje mierkavańnie vykazaŭ hałoŭny daradca Śviatłany Cichanoŭskaj Franak Viačorka na dyskusii «Palityčnaja advakacyja: vykliki i mahčymaści» ŭ miežach V Kanfierencyi biełarusaŭ śvietu, piša «Pozirk».
Pavodle słoŭ daradcy demlidara, palitykam, palityčnym strukturam, samomu ofisu Cichanoŭskaj «nie chapaje vielmi časta kankretnych kiejsaŭ» toj ci inšaj prablemy.
«Byvaje, pryjazdžajem na sustreču, usie nyjuć: usio kiepska, ničoha nie vydajecca (naprykład, dakumienty — NN). Potym pačynaješ kapać: nivodnaha kankretnaha kiejsu, jaki možna było b uziać, vyrašyć», — zajaviŭ Viačorka.
«Kali ŭ nas buduć kankretnyja prykłady, precedenty, jakija my stvarajem i vyrašajem, potym ich lohka maštabavać na ŭsiu biełaruskuju supolnaść», — padkreśliŭ jon.
«Adnaho nyćcia pra toje, što ŭsio kiepska, niedastatkova, — ličyć Viačorka. — Kali my budziem kazać, što ŭsio kiepska, nie vyrašajecca, my tolki dematyvujem i našych partnioraŭ, i našyja struktury».
Na dumku daradcy, treba akcentavać uvahu na pośpiechach, ale «my nie ŭmiejem pradavać siabie, pradavać svaje pośpiechi». «Dumaju, što tut [u Polščy] pa vynikach hetaj kanfierencyi nam treba paśpiachovyja prykłady zapakavać, raskrucić, pakazać inšym supołkam u inšych krainach, dzie mienšaja biełaruskaja dyjaspara, jak heta było vyrašana. Supraca ofisa, naprykład, ź ispanskaj dyjasparaj u spravie pryznańnia praterminavanych pašpartoŭ — vydatny prykład», — zajaviŭ pramoŭca.
Na jaho pierakanańnie, tolki supracaj demakratyčnych struktur, palitykaŭ, «jakija adkryvajuć dźviery», i supołak na miescach možna dasiahnuć vyniku. «Kali my budziem dziejničać paasobku, my nie adkryjem dźviery albo nie daviadziom spravu da kanca», — zajaviŭ Viačorka.
Pavodle jaho słoŭ, vyrašeńnie kankretnych prablem, ich maštabavańnie na nastupny hod pavinna stać pryjarytetam.
-
Stała viadoma, pa jakim artykule asudzili žychara Śvietłahorska, zatrymanaha pa viartańni ŭ Biełaruś
-
U Minsku DAI masava spyniaje kiroŭcaŭ karšerynhu
-
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary
Dyk voś jon, kankretny prykład. U reanimacyi lažyć, u komie. https://nashaniva.com/394151
22‑hadovy Jakaŭ Kudzialevič, syn adnaho ź lidaraŭ strajkama «Biełaruśkalija» Dźmitryja Kudzialeviča, trapiŭ u reanimacyju češskaha haradka paśla sproby samahubstva z-za prablem ź lehalizacyjaj.