Upieršyniu za doŭhi čas padčas ataki bieśpiłotnikaŭ zahinuŭ žychar Padmaskoŭja
Rasijskija ŭłady zajavili pra śmierć mužčyny «pry padzieńni abłomkaŭ bieśpiłotnika».
77‑hadovy mužčyna zahinuŭ pry padzieńni abłomkaŭ bieśpiłotnika ŭ vioscy Černieva, zajaŭlajuć rasijskija ŚMI.
Ukrainskija drony źbili nad niekalkimi akruhami Maskoŭskaj vobłaści — Istraj, Adzincovam, Čechavam, Soniečnahorskam, Vałakałamskam i Kałomnaj, adzin padavili srodkami REB, paviedamlajuć rasijskija ŭłady.
Heta pieršy za doŭhi čas vypadak hibieli čałavieka ŭ prystaličnym rehijonie Rasii ŭ vyniku ataki ŭkrainskich bieśpiłotnikaŭ.
Hubiernatar Branskaj vobłaści Alaksandr Bahamaz paviedamiŭ pra «likvidacyju» 63 dronaŭ.
Kiraŭnik Smalenskaj vobłaści śćviardžaje, što ŭ rehijonie źbita 15 bieśpiłotnikaŭ.
Kiraŭnik Noŭharadskaj vobłaści Alaksandr Dronaŭ paviedamiŭ, što źbita šeść dronaŭ.
Manitorynhavyja kanały taksama pišuć pra bieśpiłotniki nad mnohimi inšymi rehijonami Rasii: nad Ćviarskoj, Pskoŭskaj, Leninhradskaj, Archanhielskaj dy inšymi abłaściami.
Akramia taho, ukrainskija bieśpiłotniki laciać i ŭ paŭdniovym kirunku: rasijskija ŭłady paviedamili pra zakryćcio Krymskaha mosta, a taksama prypynieńnie palotaŭ u aeraportach Sočy i Hielendžyka.
Adnačasova SPA pracuje nad Kijevam. Paviedamlajecca, što Rasija skiravała na stalicu Ukrainy kala sta dalnabojnych dronaŭ.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
WTF?!