Pasoł Abjadnanych Arabskich Emirataŭ u ZŠA Jusef Al Atajba rastłumačyŭ u artykule na staronkach vydańnia Financial Times, čamu jahonaja kraina vyrašyła vyjści z APIEK paśla dziesiacihodździaŭ udziełu ŭ im. Pa jaho słovach, heta rašeńnie nie tolki ekanamičnaje, ale i źviazana z bolš hłybokimi źmienami ŭ śviecie.
Jusef Al Atajba adznačyŭ, što APIEK pieršapačatkova stvarałasia dla krain, jakija mocna zaležać ad ekspartu nafty. Adnak AAE ciapier užo nie źjaŭlajucca takoj dziaržavaj: dola enierhietyčnaha siektara ŭ ich ekanomicy składaje mienš za čverć. Zatoje chutka raźvivajucca inšyja haliny — avijacyja, łahistyka, vysokija technałohii, štučny intelekt, turyzm i miedyka-bijałahičnaja śfiera.
Pavodle słoŭ dypłamata, jahonaja kraina aktyŭna pašyraje mižnarodnaje supracoŭnictva i zaklučaje ekanamičnyja pahadnieńni z roznymi dziaržavami. Heta pakazvaje, što jaje intaresy značna šyrejšyja za rehulavańnie pastavak nafty ŭ miežach kalektyŭnych damoŭlenaściaŭ.
Jašče adnoj pryčynaj jon nazvaŭ niestabilnaść u rehijonie. AAE, pavodle jaho słoŭ, zacikaŭlenyja ŭ stabilnaści i budujuć svaju enierhietyčnuju i źniešniuju palityku z ulikam hetaj mety.
Taksama adznačajecca, što ŭ miežach APIEK kraina nie mahła poŭnaściu vykarystoŭvać svaje mahčymaści pa zdabyčy nafty z-za ahulnych kvot. Tamu AAE płanujuć pavialičvać zdabyču i inviestavać atrymanyja srodki ŭ raźvićcio infrastruktury i čystaj enierhietyki.
Pry hetym ułady AAE padkreślivajuć, što nie admaŭlajucca ad nafty ŭvohule, ale chočuć vykarystoŭvać dachody ad jaje dla pierachodu da bolš ekałahičnych krynic enierhii.
Akramia taho, dypłamat vykazaŭ niezadavolenaść tym, što ŭ APIEK zastajecca Iran, abvinavaciŭšy jaho ŭ parušeńni mižnarodnaha prava i pahrozach enierhietyčnaj biaśpiecy ŭ rehijonie.
Aficyjna AAE vyjšli z APIEK 1 maja, zajaviŭšy, što i nadalej buduć naroščvać zdabyču nafty ŭ adpaviednaści z popytam i ŭmovami rynku.
Ścipłaja, ale važnaja navina: Abjadnanyja Arabskija Emiraty pakinuć APIEK i APIEK+ z 1 maja
Kala ŭźbiarežža AAE haryć karejski tankier. U vajnie ZŠA ź Iranam novy vitok
AAE hatovyja dapamahać ZŠA siłaj adkryć Armuzski praliŭ
Zabudźciesia pra naftu i haz. Jak vada moža stać zbrojaj u vajnie ZŠA i Izraila suprać Irana
Saudaŭskaja Aravija i AAE prosiać Trampa nie spyniacca ź Iranam
Dziaržaŭnaja ministarka AAE: Iran nie pavinien trymać suśvietnuju ekanomiku ŭ zakładnikach
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary