Na pieramovach u Rymie tak i nie dali rady dalejšamu losu dziesiaciochhadovaj biełaruskaj dziaŭčynki Viki Maroz.
Na pieramovach u Rymie tak i nie dali rady dalejšamu losu dziesiaciochhadovaj biełaruskaj dziaŭčynki Viki Maroz. Pieramovy išli ŭ aŭtorak uviečary pamiž zastupničkaj ministra justycyi Italii Daniełaj Melkjore (Daniela Melchiorre) i siamiejnaj paraj Alasandra Džusta (Alessandro Giusto) i Maryi Kjara Barnačyn (Maria Chiara Bornacin).
Vychavacielka dziciačaha doma ŭ Vialejcy, jakuju italjanskija ŚMI nazyvajuć vydumanym imiem Marja, prabaviła leta ŭ haścioch u italjanskaj siamji i 22 žniŭnia razam z astatnimi chłopčykami i dziaŭčatami musiła była viartacca na radzimu. Adnak siamja Džusta, jakaja ŭžo nie ŭpieršyniu prymała Viku ŭ siabie, hetym razam nie schacieła adpuścić dziaŭčynku ŭ Biełaruś, spasyłajučysia na toje, što ŭ škole ź joju hvałtoŭna abychodzilisia.
Sud u spravach niepaŭnaletnich miesta Hienui vynies rašeńnie pra nieabchodnaść viarnuć dziaŭčynku ŭ Biełaruś, adnak italjanskaja siamja pastanaviła schavać dzicia, i ŭžo 12 dzion nichto nia viedaje, dzie ciapier toje dziaŭčo.
Minułymi dniami karabinery na zahad sudovych uładaŭ Italii zładzili pieratrusy damoŭ Džusta i ich svajakoŭ, adnak Viki tam nie znajšli.
Ambasadar Biełarusi ŭ Italii Alaksiej Skrypko, jaki ciaham kolkich dzion sprabavaŭ dać rady toj prablemie ŭ Hienui, zajaviŭ u paniadziełak žurnalistam, što Miensk daje italjanskim uładam jašče 24 hadziny, kab pałahodzić kanfliktnuju sytuacyju.
U hetaj sytuacyi spn.Melkjore vyrašyła stać pasiarednikam. U paniadziełak u Rymie jana sustrełasia z advakatami siamji Džusta, a ŭ aŭtorak u prefektury Hienui zładziła doŭhija pieramovy ź hetaj siamjoj.
«Ja razmaŭlała ź imi jak maci, jak zastupnica ministra, jak praŭnik, razmaŭlała, dumajučy i pra ichnija intaresy i pra intaresy 150 astatnich biełaruskich dziaciej i takoj samaj kolkaści italjanskich siemjaŭ, jakija čakajuć na pastanaŭleńnie pra ŭsynaŭleńnie», – apaviadała spn.Melkjore paśla sustrečy.
Pavodle jaje słovaŭ, siamja Džusta zaniała vielmi žorstkuju pazycyju i «maje namier dalej parušać italjanskaje zakanadaŭstva i hrebavać rašeńniem sudu ŭ spravach niepaŭnaletnich».
Paśla pieramovaŭ u Hienui z zajavaj vystupili i advakaty ambasady Biełarusi ŭ Italii Dyjeha Perudžyni (Diego Perugini) i Sonia Bataljere (Sonia Battagliere). Tut jany ŭpieršyniu ŭžyli termin «hvałtoŭnaje vykradańnie».
Jak kažuć advakaty, ambasadar Skrypko maje namier viarnucca ŭ Rym i razhledzieć pytańnie pra peŭnyja zachady, jakija biełaruski bok uvažyć za nieabchodnyja.
U Italii historyja «Marji» mieła nieadnaznačny rozhałas. Da prykładu, zhadanyja spadaryniaj Melkjore siemji, što čakajuć na pastanaŭleńni pra ŭsynaŭleńnie, manilisia pravieści manifestacyi pratestu suprać dziejańniaŭ siamji Džusta, adnak na prośbu biełaruskaha ambasadara vyrašyli nie padlivać smały ŭ ahoń.
Karespandentka ŭpłyvovaj hazety «Stampa» (La Stampa) Frančeska Sforca (Francesca Sforza) admysłova vypraviłasia ŭ Vialejku i adviedała dziciačy dom, dzie hadavałasia Vika. Artykuł, jaki jana apublikavała 16 vieraśnia, nazyvaŭsia «Kraski, hulni i farby ŭ «lahiery» Marji».
«Tut niama aharodžy, brama zaŭsiody adčynienaja, a futbolnaje pole miažuje z centralnaj vulicaj. Niekatoryja žychary raspaviali nam, što majuć zvyčaj kali-nikali zaprašać nievialičkija hrupki chłopcaŭ i dziaŭčat na abied ci pahulać ź imi ŭ vakolicach», – apaviadajecca ŭ artykule.
«Pakoi čystyja, ścienki ŭ kalidorach azdoblenyja malunkami i kalažami, jość spartovaja zala, biblijateka, muzyčnaja zala, jość spraŭnyja kamputary, vialikaja stałoŭka z adkrytaj kuchniaj, vykładniki, kuchary. I jość dzieci, vialikija i maleńkija, jakija paśla viačery malujuć, robiać vycinanki na drevie ci hulajuć u pinh-ponh. Niekatoryja ź ich mohuć pa-italjansku, ale, uschvalavaŭšysia, pamylajucca i čyrvaniejuć».
Italjanskaja žurnalistka taksama prezentavała śviedčańnie dyrektara dziciačaha doma Mikałaja Vaŭčkova, jaki kaža, što nia maje sumnievaŭ u lubovi siamji Džusta da dziaŭčynki, ale miarkuje, što hetaja luboŭ «trochi fanatyčnaja». Jon taksama źbiantežany tym, čamu italjancy tak i nie raspačali praces udačkavańnia dziaŭčynki, niahledziačy na toje, što daŭna jaje viedajuć i ŭžo pryviazalisia da jaje.
Paśla čarnobylskaj katastrofy ŭ 1986 h. italjanskija siemji stała zaprašajuć na Apeniny dziaciej ź Biełarusi. Štohod na adpačynak i lekavańnie siudy pryjaždžajuć 25–30 tysiačaŭ chłopčykaŭ i dziaŭčat, bolš jak 20% ad katorych – siroty.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary