Šoŭmien Pierlin pryjechaŭ u Varšavu i ździviŭsia, što tam nichto nie śviatkuje 9 Maja. U kamientarach patłumačyli
Biełaruski šoŭmien Jaŭhien Pierlin 9 maja pryjechaŭ u Varšavu i byŭ ździŭleny, što tut, u adroźnieńnie ad Minska, u hety dzień zusim ničoha nie nahadvaje pra čarhovuju hadavinu zakančeńnia Druhoj suśvietnaj vajny ŭ Jeŭropie. Niajnakš palaki pra ŭsio zabylisia? Ale ŭ kamientarach jamu chutka ŭsio patłumačyli.
«Dziŭna mnie, što ŭ horadzie, jaki vyzvalaŭ moj dzied — siońnia ni snom ni ducham pra pieramohu. Kupiŭ kvietki. Pryjšoŭ da ściany Varšaŭskaha hieta. Uspomniŭ podźvihi dzieda. Škada, nie zastaŭ jaho. Ale baćka ŭsio raskazaŭ. Varšava, Praha, Bałaton, Viena. Pierlin Izrail Makaravič, z Dniom Pieramohi ciabie!», — napisaŭ Jaŭhien Pierlin u Threads.
Jahony post sabraŭ dziasiatki kamientaroŭ, ale tolki niekalki ź ich byli vytrymanyja ŭ toj ža tanalnaści. Pieravažnaja bolšaść patłumačyła šoŭmienu, što na samaj spravie palaki pamiatajuć pra tuju vajnu i jaje achviar nijak nie mienš, čym u Biełarusi i inšych postsavieckich krainach, ale ŭ hetaj pamiaci jość važnyja niuansy.
«Polšča nie «ihnaruje» zakančeńnie Druhoj suśvietnaj, ale adznačaje jaho ŭ inšuju datu i ŭ inšym histaryčnym kantekście — bolš jeŭrapiejskim, čym postsavieckim».
«Tamu što ty spaźniŭsia. Treba było prychodzić […] na dzień Akcja Żonkile, 19‑ha krasavika».
«Jaŭhien, vučycie historyju i pamienš savieckich haziet čytajcie».
«U Varšavie vielmi šmat pomnikaŭ zahinułym. Usiudy doški pamiatnyja, kryžy, manumienty. I šmat kvietak. Varšava pamiataje vajnu tak, jak u maim biełaruskim horadzie nie pamiatajuć…»
«Napeŭna, jany prosta viedajuć pra pratakoł Rybientropa — Mołatava».
«Vyzvalaŭ? Dziŭnaje vyzvaleńnie, što Polšča na 45 hadoŭ była ŭ saŭkovaj niavoli…»
«Dyk učora ž byŭ dzień pamiaci. A da ściany Varšaŭskaha hieta možna pryjści, naprykład, 1 žniŭnia [dzień pačatku Varšaŭskaha paŭstańnia ŭ 1944 hodzie. — Red.]. Dumaju, tam budzie vielmi šmat ludziej».
«Nie moža takoha być. U Varšavie isnavała bujnoje hieta. Toje, što tut niama pyšnaha parada, zusim nie śviedčyć pra toje, što nichto «ni snom ni ducham».
«U Polščy Dzień Pamiaci 8 maja».
«Jaŭhien, Druhaja suśvietnaja vajna nie roŭnaja Vialikaj ajčynnaj. Druhaja suśvietnaja pačałasia 1 vieraśnia 1939 hoda, kali Hiermanija ŭvarvałasia na terytoryju Polščy. Napiaredadni byŭ padpisany pakt Mołatava i Rybientropa… Samaje balučaje miesca dla mianie ŭ tym, što častka biełaruskich ziemlaŭ uvachodziła tady ŭ skład Polščy… Pačytajcie historyju. Šmat cikavaha. I znojdziecie adkazy na svaje pytańni».
Jaŭhien Pierlin raniej byŭ viadučym na BT, syšoŭ adtul u 2020-m. Ciapier viadzie viasielli i karparatyvy.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie49
Kamientary