Džon Koŭł paabiacaŭ źviarnuć admysłovuju ŭvahu na los adnoj z palitźniavolenych
Były palitźniavoleny Siarhiej Sparyš u adnym ź videa u sacsietcy X źviarnuŭsia da śpiecpradstaŭnika prezidenta ZŠA Džona Koŭła, adkaznaha za kamunikacyju z Łukašenkam pa spravie vyzvaleńnia palitviaźniaŭ z prośbaj źviarnuć admysłovuju ŭvahu na los 19‑hadovaj palitźniavolenaj Alaksandry Pulinovič. I atrymaŭ publičny adkaz.
Džon Koŭł zrabiŭ repost zvarotu Siarhieja Sparyša na svaju staronku i napisaŭ:
«Padčas majoj nastupnaj pajezdki ŭ Biełaruś ja zhadaju tvaju siabroŭku».
Alaksandra Pulinovič — biełaruskaja palitźniavolenaja, zatrymanaja 12 studzienia 2024 hoda pa tak zvanaj spravie «Čornych sałaŭjoŭ». Jana naradziłasia 12 lutaha 2007 hoda i na momant zatrymańnia była niepaŭnaletniaj.
Jaje abvinavacili ŭ psavańni majomaści, niezakonnych dziejańniach z vybuchovymi rečyvami i padrychtoŭcy terarystyčnaha aktu. Pavodle prysudu, vyniesienaha ŭ 2025 hodzie, dziaŭčynu asudzili da 10 hadoŭ i 3 miesiacaŭ pazbaŭleńnia voli ŭ kałonii ŭzmocnienaha režymu.
Pra spravu šyroka paviedamlałasia ŭ prapahandysckim filmie na dziaržaŭnym telekanale ANT pad nazvaj «Dzieci na prycele. Zavierbavanyja voraham». U im śćviardžałasia, što hrupa biełaruskich padletkaŭ nibyta supracoŭničała z ukrainskimi śpiecsłužbami i rychtavała dyviersii. Pavodle viersii dziaržaŭnych miedyja, niekalki maładych ludziej stvaryli anarchisckuju hrupu «Čornyja sałaŭi», jakuju nibyta kaardynavała hramadzianka Ukrainy Maryja Misiuk.
Siarod zatrymanych pa hetaj spravie byli navučency kaledžaŭ z roznych haradoŭ Biełarusi. Śledstva śćviardžała, što jany źbiralisia ŭ Baranavičach i nibyta płanavali vyrab vybuchoŭki dla napadu na budynak milicyi abo prakuratury.
Paśla suda Alaksandru Pulinovič razam ź inšymi fihurantami spravy ŭnieśli ŭ biełaruski śpis asobaŭ, jakich ułady ličać datyčnymi da ekstremisckaj dziejnaści, a taksama ŭ tak zvany «śpis terarystaŭ» KDB. Heta aznačaje, što joj zabaronienyja hrašovyja pieravody padčas źniavoleńnia.
Spačatku dziaŭčynu ŭtrymlivali ŭ SIZA №7 u Breście, a ciapier jana adbyvaje pakarańnie ŭ kałonii №4 ŭ Homieli.
Baćka adnaho z maładzionaŭ, asudžanych pa spravie «Čornych sałaŭjoŭ», zapisaŭ videazvarot da Łukašenki
Pa spravie «čornych sałaŭjoŭ» padletkaŭ asudzili na termin ad 10 da 13 hadoŭ
Vyzvalenaja 18‑hadovaja palitźniavolenaja Maryja Misiuk
Film pra nibyta viarboŭku padletkaŭ ukrainskimi śpiecsłužbami pakažuć va ŭsich navučalnych ustanovach Biełarusi
Siłaviki zatrymali siemiarych padletkaŭ, jakich vinavaciać u teraryźmie i zdradzie dziaržavie
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary
Zadača nomier 1 - vytaŝiť vsiech. I v piervuju očieried́ tiech, komu vypisali bilet v odin koniec ili dlitielnuju putiovku v 2020-2022 hh. Daleje budiet boŕba za połnoje (ili počti połnoje) priekraŝienije rieprieśsij.
Šah za šahom.
Połahaju, vy, kak i druhije obyvatieli, nie sidievšije za piaťju zaborami, nie połnosťju ponimajetie vsiu stiepień źvizdieca, v kotorom hodami nachodiatsia sotni ludiej. Vzhlanitie na Andžieja (s kotorym my miesiacami sidieli v sosiednich kamierach BURa), i, možiet byť, chotia by častično pojmiotie.