«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały
Karystalnik Threads padzialiŭsia fotazdymkam z handlovaha centra Diamond City ŭ Minsku, na fudkorcie jakoha, jak vynikaje z adpaviednaj tablički, ciapier płatnyja stały.
«Ja dumaŭ, mianie nie moža bolš ničoha ździvić. A nie. Mianie ździvili płatnyja stały na fudkorcie», — padzialiŭsia ŭražańniami biełarus.
Arenda stała ŭ budnija dni kaštuje 1 rubiel za hadzinu, a «vostraŭ» abydziecca ŭ 6 rubloŭ. U vychadnyja dni ceny pavialičvajucca ŭdvaja.
«Tak možna stolki płatnych pasłuh prydumać, tamu što «vielmi hrošy patrebny»:) Naprykład, na stadyjonie padčas matču 5 tualetnych kabinak biaspłatnych, a 7 płatnych )) A potym pytańnie, čamu natoŭpy i čerhi», — aburajecca aŭtar.
«Heta što, značyć, možna arandavać stoł, dastać svaju ježu z napojami i siadzieć? Typu, tam možna navat dzień naradžeńnia adśviatkavać sa svaim?» — padymajuć staŭki kamientatary.
Adnak byli i karystalniki, što pastavilisia da novaŭviadzieńnia z poŭnym razumieńniem.
«Tam časam stolki ludziej, što sieści niama dzie. Dva rubli za hadzinu z zadavalnieńniem zapłaču za kamfort biez taŭkatni i ludziej z padnosami, jakija snujuć mima», — napisaŭ adzin z karystalnikaŭ.
«Jak ni zojdzieš na fudkort luboha HC — siadziać padletki za pustymi stałami, nibyta siabra čakajuć. Ja za hety čas paśpieju i sama pajeści, i dzicia pakarmić, a jany ŭsio čakajuć, u telefony hulajučy. Tym časam astatnija ludzi chodziać z padnosami i nie viedajuć, kudy prysieści pajeści. Pastajanna hetaja situacyja!» — prakamientavała dziaŭčyna ŭ Threads.
-
Biełaruska praz sacsietku za šeść hadzin dapamahła italjancam znajści chłopčyka, jaki haściavaŭ u ich amal 30 hadoŭ tamu
-
Śviatłana Cichanoŭskaja ŭšanavała ŭ Kijevie pamiać zahinułych hierojaŭ
-
Redakcyja «Hrodzienskaj praŭdy» amal u poŭnym składzie kinułasia ŭ sacsietki kamientavać vizit Cichanoŭskaj u Kijeŭ
Kamientary