«U nas inšaja atrybutyka». U Viciebsku nie davali razhulacca prarasijskim aktyvistam z hieorhijeŭskimi stužkami
Viciebskaja prarasijskaja aktyvistka Elvira Mirsalimava ŭ svaim telehram-kanale paskardziłasia, što padčas śviatkavańnia 9 maja ŭźnik kanflikt vakoł razdačy hieorhijeŭskich stužak, i apublikavała adpaviednaje videa.
Prarasijskija aktyvisty razam z čałaviekam, jaki trymaŭ partret Stalina, razdavali stužki dzieciam i darosłym i ŭhavorvali ich brać.
U peŭny momant da ich padyšli žančyny i zajavili, što hieorhijeŭskija stužki «nie padychodziać da formy», bo ŭ Biełarusi vykarystoŭvajecca inšaja simvolika. U adkaz aktyvisty pačali spračacca i nahadvać pra ahulnuju historyju vajny.
«My vajavali, ja nie spračajusia, ale ŭ nas inšaja atrybutyka», — adkazała adna z žančyn.
Mirsalimava havoryć, što niekatoryja pradstaŭniki aficyjnych struktur pavodzili siabie ahresiŭna i pieraškadžali razdačy stužak. Pavodle jaje słoŭ, raniej takich situacyj jana nie zaŭvažała.
Letaś Alaksandru Łukašenku dvojčy davodziłasia tłumačyć słabaje vykarystańnie hieorhijeŭskich stužak u Biełarusi — pierad samim Uładzimiram Pucinym i rasijskim pasłom Barysam Hryzłovym.
U Minsku nie dazvolili pravieści šeście «Bieśśmiarotnaha pałka»
U abłasnych haradach Biełarusi prarasijskija aktyvisty praviali «Bieśśmiarotnyja pałki»
Čynoŭniki pačali spaborničać pamieram «jabłynievych» butańjerak. Kačanava siarod lidaraŭ FOTAFAKT
Pamiatajecie polski dot, na jakim malavali hieorhijeŭskuju stužku? Ciapier jaho ŭpryhožyli Z-simvolikaj
Śviata-Jelisaviecinskamu manastyru zabaranili pravodzić na 9 maja vystavu zbroi. Ale zatoje buduć vučyć rubańniu šaškaj
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary
Kitaj viartaje siabie ŭschodniaju Sibir, i 96% Biełarusaŭ za Niezaležnaść, heta aficyjnaja statystyka , jaje nie ciažka znajści na BT i na staroncy BNF. Ja razumieju, našych kałabaracyjanistaŭ jakija marać pra maskoŭskija piensii, bali i francuzskija bułki , vaš impierski ciahnik užo daloka za chmarami impierskich mar , pra heta vam navat Łukašenka kaža. Prymicie RB (VKŁ) ŭ svaje serca , naša dziaržava (S. Łukašenka nie na doŭha z nami) na stahodździ. Pierachod da respublikanskaj formy kiravańnia całkam zaležyć ad nas 10M Biełarusaŭ, siońnia pačniom razmaŭlać ŭ chacie rodnaj movaj, i zaŭtra ŭ nas budzie demakratyja i dabrabyt, praz EVALUCYJU