Karcina «Puls» prapanuje vykinuć mabilniki, adklučyć kamputary, raździaŭbać televizary – i ŭciačy ŭ viaskovuju hłuchmień.
Puls (Pulse).
ZŠA, 2006, kalarovy, 90 chv.
Žanr: mistyčny film žachaŭ.
Adznaka: 5 (z 10).
Karcina «Puls» prapanuje vykinuć mabilniki, adklučyć kamputary, raździaŭbać televizary – i ŭciačy ŭ viaskovuju hłuchmień. Zakliki tłumačacca nie nastalhijaj pa ziamli i naturalnym biełaruskim žadańniem pakapać bulbu, a zusim prazaična: pryvidy zachapili harady.
Pryšeście zdaniaŭ pačałosia paśla taho, jak paviesiŭsia student-chakier. Siabry niabožčyka pačali atrymlivać elektronnyja listy ad pamierłaha, mabilniki pačali źviakać, a ŭ kamputary niaščasnaha raźviałosia takoje!..
Haradzkija kašmaryki pra elektronna-pabytovyja prybory najlepiej za ŭsich zdymajuć japoncy. Karcina «Puls» tut nie vyniatak. Tvor Džyma Sanzera jość paŭtoram stužki «Kaira» Kijosi Kurasavy. Ruku da adaptacyi prykłaŭ Ŭes Krejven, skłaŭšy amerykanski scenar.
Paŭtor, jak zdarajecca počastu, niaroŭny. Ale popielna-šeraja prastora zaciahvaje, jak tysiačy ruk mierćviakoŭ. I čyrvony skotč – paranaidalnaja detal – adzinaja abarona.
U hałavie paśla filmu ničoha nie zastaniecca. I heta ž, u pryncypie, plus!
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary