Днямі тэлеграм-канал «Дзікая прырода побач» атрымаў прыемную навіну ад настаўніцы з Затур'янскай школы Нясвіжскага раёна Таццяны Міхайлаўны Халопіцы.
У ваколіцах Затур'я знаходзіцца адна з трох апошніх калоній рабога сусліка. Гэты від вымірае не толькі ў Беларусі, але і ў свеце.
Раней прыродаабаронцы разам з Праграмай развіцця ААН зрабілі і павесілі стэнд пра сусліка ў дзвюх школах, якія суседнічаюць з гэтымі мілымі грызунамі. Вясной правялі брэйн-рынгі і фінал паміж школамі на веданне акалічнасцяў біялогіі і гісторыі звярка.
І недарэмна: сямікласніца Затур’янскай школы Карына Дзерве заўважыла рабога сусліка каля норкі недалёка ад школы! Дзяўчынка зняла яго на фота і відэа.
Каб дабрацца да школы, сусліку давялося прайсці як мінімум 2 кіламетры ад найбліжэйшай вядомай калоніі, прайшоўшы мостам праз рэчку-канал: вады гэтыя грызуны не любяць.
Хоць, магчыма, гэта «апошні магіканін» з іншай знішчанай трактарамі невялічкай калоніі бліжэй да Затур’я яшчэ гады з 4 назад. Калонію гэту перадалі пад ахову, але мясцовая інспекцыя яе не маніторыла і не зберагла. Аднак жа і адтуль не менш за кіламетр да новай лакацыі.
Цяпер чытаюць
Лукашэнка: Што творыцца ў краіне, у нас усе гэтую гусь круцяць31
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары