Vybirać možna tolki polskuju ci anhielskuju. Biełaruskaj pakul niama.
Na dvuch maršrutach vilenskich tralejbusaŭ z paniadziełku možna vyvučać dźvie zamiežnyja movy - polskuju i anhielskuju.
Metaj prajekta «Vučoba ŭ darozie», što realizuje litoŭski centar vyvučeńnia zamiežnych movaŭ Soros International House (SIH) pry padtrymcy eŭrapiejskaj prahramy Socrates, jość tłumačeńnie šyrokaj hramadzkaści značnaści vyvučeńnia zamiežnych movaŭ.
Jak kaža dyrektarka SIH Dajva Malinaŭskine, vybar movaŭ - polskaj i anhielskaj - nia byŭ vypadkovy. «Anhielskuju my abrali, uličvajučy jaje značnaść u sučasnym śviecie, a polskuju - bo Polšča ŭsio ž našaja susiedka i da taho ž polskaja nacyjanalnaja mienšaść - samaja vialikaja ŭ Vilni»- tłumačyć Malinaŭskine. Realizacyja prajekta «Vučoba ŭ darozie» budzie doŭžycca hod. Za hety čas žychary i hości Vilni zmohuć vyvučyć asnoŭnyja vyrazy polskaj i anhielskaj movaŭ.
Z apošniaha pierapisu nasielnictva ŭ 2001 h. vynikaje, što 26 adsotkaŭ žycharoŭ litoŭskaj stalicy nibyta vałodajuć polskaj movaj. Palaki składajuć 6,7 adsotkaŭ žycharoŭ Vilni.
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary