U Biełaruś bolš za astatnich pryjazdžaje studentaŭ z Turkmienistana, Šry-Łanka na trecim miescy
U Biełarusi vyrasła kolkaść zamiežnych studentaŭ, a ich ahulnaja dola siarod navučencaŭ VNU i mahistratur na pačatak 2025/26 navučalnaha hoda skłała 10,3%, paviedamlaje Biełstat.
Usiaho ŭ krainie navučajucca bolš za 24,5 tys. zamiežnikaŭ, tady jak hodam raniej ich było kala 21 tys.
Asnoŭny prytok zabiaśpiečyŭ Turkmienistan: za apošnija dva hady kolkaść navučencaŭ adtul vyrasła bolš čym u 3,5 raza — z 2,2 tys. čałaviek da amal 8 tys. Hety ryvok dazvoliŭ Turkmienistanu zrušyć ź pieršaj pazicyi šmathadovaha lidara — Kitaj: ciapier u našych VNU atrymlivajuć adukacyju krychu bolš za 7,2 tys. kitajskich studentaŭ.
Darečy, Turkmienistan i raniej byŭ lidaram pa eksparcie adukacyi ŭ Biełaruś. Apošni raz kraina ŭznačalvała hety top u 2020/21 navučalnym hodzie (bolš za 8,7 tys. turkmienskich studentaŭ suprać 3,6 tys. kitajskich), paśla čaho na niekalki hadoŭ sastupiła pieršynstvo studentam z Padniabiesnaj.
Śledam za lidarami ŭ top-5 pa kolkaści studentaŭ uvajšli: Šry-Łanka — 2,3 tys. čałaviek, Rasija, adkul pryjechali amal 1,7 tys., i Uźbiekistan, jaki pakazaŭ spad da 1,2 tys. čałaviek.
U dziasiatku krain, ź jakich taksama časta pryjazdžajuć na vučobu ŭ Biełaruś, uvajšli Indyja, Izrail, Livan, Nihieryja i Azierbajdžan.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha14
Kamientary