Na darohach Biełarusi sioleta vyprabujuć kanadski skotaprahon. Jak jon abaronić ad dzikich žyvioł?
U Hrodzienskaj vobłaści na trasie M-6 bližej da vosieni płanujuć vyprabavać kanadski skotaprahon — śpiecyjalnuju kanstrukcyju, jakaja nie daje bujnym dzikim žyviołam vychodzić na darohu. Takija ŭčastki chočuć zrabić u troch miescach.
Hałoŭnaja asablivaść skotaprahonu ŭ tym, što jon nie pieraškadžaje ruchu transpartu, viełasipiedystaŭ i piešachodaŭ, ale zatrymlivaje žyvioł. Z-za asablivaj kanstrukcyi — časta ŭ vyhladzie mietaličnaj rašotki — bujnyja źviary nie mohuć nastupać na takuju pavierchniu i tamu nie iduć dalej.
Mašyna moža spakojna prajechać źvierchu, čałaviek — pierajści, a voś bujnaja žyvioła, naprykład łoś abo kazula, iści pa takim miescy nie choča, bo pavierchnia dla jaje niazručnaja.
Hetuju mieru chočuć vykarystać tam, dzie aharadžalnaja sietka pieraryvajecca — naprykład, kala źjezdaŭ na lasnyja darohi abo ŭ nasielenyja punkty. Mienavita ŭ takich miescach žyvioły mohuć vychodzić na trasu.
U Biełarusi taksama ŭžo amal dva hady idzie ekśpierymient z «razumnym» pierachodam dla dzikich žyvioł na M-10 u Homielskaj vobłaści. Tam datčyki fiksujuć źjaŭleńnie źviera pobač z darohaj i padajuć sihnał na darožnyja znaki, kab papiaredzić kiroŭcaŭ.
Pavodle aficyjnych źviestak, u 2025 hodzie ŭ Biełarusi zafiksavali amal 5 tysiač DTZ ź dzikimi žyviołami. U 2026‑m kolkaść takich zdareńniaŭ raście. Čaściej za ŭsio ŭ avaryjach hinuć kazuli — kala 70% usich vypadkaŭ, u 20% — łasi.
-
«I ŭsio ž taki jon isnuje!» U siecivie «spalili», jak vyhladaje novaja elektraharmoška MAZ, jakuju zavod trymaje ŭ sakrecie
-
Z-za rostu cenaŭ na bienzin prodažy elektramabilaŭ u Jeŭropie vyraśli na tracinu
-
Rasijanie prydumali novuju mutnuju schiemu, jak jeździć na luksavych aŭto ź biełaruskimi numarami i ekanomić hrošy
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary