Kiraŭnik NATA źviarnuŭsia da rasijskich mužčyn z žorstkim papiaredžańniem
Hienieralny sakratar NATA Mark Rute zaklikaŭ ich ćviaroza acanić realnuju situacyju na froncie i nie stanavicca achviarami. «Vam naviazvajuć niavyhadnuju ździełku».
Pavodle słoŭ kiraŭnika Aljansu, rasijskaje kamandavańnie faktyčna adpraŭlaje svaich sałdat na zabojstva.
«Vam naviazvajuć niavyhadnuju ździełku. Mužčyny nakštałt vas, jakija ŭstupajuć u boj, nie buduć prachodzić navučańnie. Ryštunak, jaki jany daduć vam, budzie niajakasnym. Jość vielmi vysoki šaniec, što vy pamracie abo budziecie paranienyja, pakul znachodziciesia tam. I jość imaviernaść, što kali vas paraniać, vas pakinuć pakutavać u hrazi i pamirać. Tamu, kali my havorym pra dziasiatki tysiač rasijskich zahinułych, heta nie abstrakcyja. Heta, vierahodna, budziecie vy», — skazaŭ Mark Rute.
Hetaja zajava prahučała na fonie praciahłych sprob rasijskaha boku papaŭniać šerahi svajho vojska novymi kantraktnikami i mabilizavanymi dla praciahu bajavych dziejańniaŭ.
Dniami brytanskaja raźviedka zajaviła, što na vajnie va Ukrainie zahinuli amal paŭmiljona rasijskich sałdat.
Raniej zachodnija analityki aceńvali kolkaść zahinułych na vajnie rasijskich sałdat i aficeraŭ na 325 000 čałaviek.
Takija padliki pa stanie na studzień 2026 hoda pryvodziŭ Centr mižnarodnych i stratehičnych daśledavańniaŭ.
Ahulnyja ž straty Uzbrojenych sił RF va Ukrainie, pavodle jaho danych, dasiahnuli 1,198 młn čałaviek.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
[Zredahavana]
Uvohule strata ŭsialakaj rečaisnaści!