Генеральны сакратар НАТА Марк Рутэ заклікаў іх цвяроза ацаніць рэальную сітуацыю на фронце і не станавіцца ахвярамі. «Вам навязваюць нявыгадную здзелку».
Паводле слоў кіраўніка Альянсу, расійскае камандаванне фактычна адпраўляе сваіх салдат на забойства.
«Вам навязваюць нявыгадную здзелку. Мужчыны накшталт вас, якія ўступаюць у бой, не будуць праходзіць навучанне. Рыштунак, які яны дадуць вам, будзе няякасным. Ёсць вельмі высокі шанец, што вы памраце або будзеце параненыя, пакуль знаходзіцеся там. І ёсць імавернасць, што калі вас параняць, вас пакінуць пакутаваць у гразі і паміраць. Таму, калі мы гаворым пра дзясяткі тысяч расійскіх загінулых, гэта не абстракцыя. Гэта, верагодна, будзеце вы», — сказаў Марк Рутэ.
Гэтая заява прагучала на фоне працяглых спроб расійскага боку папаўняць шэрагі свайго войска новымі кантрактнікамі і мабілізаванымі для працягу баявых дзеянняў.
Днямі брытанская разведка заявіла, што на вайне ва Украіне загінулі амаль паўмільёна расійскіх салдат.
Раней заходнія аналітыкі ацэньвалі колькасць загінулых на вайне расійскіх салдат і афіцэраў на 325 000 чалавек.
Такія падлікі па стане на студзень 2026 года прыводзіў Цэнтр міжнародных і стратэгічных даследаванняў.
Агульныя ж страты Узброеных сіл РФ ва Украіне, паводле яго даных, дасягнулі 1,198 млн чалавек.
-
Венгрыя высылае адразу 10 расійскіх дыпламатаў. Такога раней не было
-
«Сотні курдаў расказваюць пра сувязь з дачкой прэм'ера Курдыстана. І толькі 1% заяў на прытулак ад мігрантаў у Брытаніі сапраўдныя»
-
У Германіі ўпершыню пераабсталююць аўтазавод пад абароннае прадпрыемства — ім стане прадпрыемства Volkswagen
Каментары
[Зрэдагавана]
Увогуле страта ўсялякай рэчаіснасці!