Лясы складаюць 40,5 % тэрыторыі Беларусі, і краіна займае другое месца па лясістасці сярод дзяржаў СНД. Такія звесткі прывёў Белстат, пішуць Мінск-навіны.
Агульная плошча Беларусі складае 20 762,9 тыс. га. Сельскагаспадарчыя землі займаюць 38,2 % тэрыторыі, яшчэ 5,7 % прыпадае на балоты і водныя аб’екты. Лясны фонд на 1 студзеня 2026 года склаў 9 801,4 тыс. га.
Асабліва ахоўныя прыродныя тэрыторыі займаюць 1 903 тыс. га, або 9,2 % плошчы краіны. У Беларусі дзейнічаюць адзін запаведнік, чатыры нацыянальныя паркі, 375 заказнікаў і 976 помнікаў прыроды.
У Чырвоную кнігу ў 2025 годзе ўключаны 310 відаў дзікарослых раслін і 213 відаў дзікіх жывёл. Сярод рэдкіх чырванакніжных відаў найбольш рэптылій — 28,6 %. На другім месцы знаходзяцца млекакормячыя (26,5 %), на трэцім — птушкі (20,6 %).
Каментары