«Upieršyniu za hady ŭ zale niama ruskich» — Tusk tonka pakpiŭ z Orbana
Na samicie Jeŭrasajuza na Kipry polski premjer-ministr Donald Tusk dazvoliŭ sabie špilku ŭ adras prarasijskaha premjer-ministra Vienhryi Viktara Orbana, jaki sychodzić z pasady, piša Bild.
«Upieršyniu za hady ŭ zale nie było ruskich, kali vy razumiejecie, što ja maju na ŭvazie», — pažartavaŭ Tusk pierad žurnalistami ŭ Nikasii.
Partyja Orbana ź vialikaj roźnicaj prajhrała parłamienckija vybary 12 krasavika. Urad nieŭzabavie pavinien uznačalić lidar pieramožnaj apazicyjnaj partyi «Cisa» — Pieter Madźjar. Da ŭstupleńnia novaha premjera na pasadu Orban zastajecca va ŭładzie, adnak u sustrečy ES na Kipry jon nie ŭdzielničaje.
Prarasijskaja pazicyja vienhierskaha ŭrada nieadnarazova pryvodziła da kanfliktaŭ ź inšymi krainami ES. U pryvatnaści, Vienhryja błakavała rašeńni ab padtrymcy Ukrainy abo sankcyjach suprać Rasii, što rehularna vyklikała razdražnieńnie.
Adnak nie ŭsie ŭdzielniki sustrečy na Kipry padzialili radaść Tuska: premjer-ministr Bielhii Bart De Vievier zajaviŭ, što bačyć «krychu zanadta šmat ejfaryi» z nahody sychodu Orbana, jaki byŭ «biezumoŭna, składanym partnioram», «ale nikoli nie niemahčymym partnioram».
Na samicie ES na Kipry abmiarkoŭvajucca dapamoha Ukrainie, nastupny biudžet ES i kanflikt pamiž ZŠA i Iranam. Dla hetaha taksama zaprošany pradstaŭniki Blizkaha Uschodu i krain Piersidskaha zaliva.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym8
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
------------------------------------------
Jaho vykazvańnie nabyło niajomki adcienak, kali ŭ hety momant mima prachodziŭ premjer-ministr Słavakii Robiert Fica, viadomy bolš miakkaj pazicyjaj adnosna Maskvy. Tusk uśmichnuŭsia i padmirhnuŭ žurnalistam, paśla čaho dadaŭ: «Nie, nie, heta žart».
Für Deutschland, kali vy razumiejecie, što ja maju na ŭvazie.