Minčuk znajšoŭ u internecie dvajnika, kab toj adkazvaŭ za jaho parušeńni
51‑hadovy mužčyna prydumaŭ chitruju schiemu, kab sistematyčna paźbiahać adkaznaści za svaje dziejańni.
Jon znajšoŭ u internecie čałavieka, jaki byŭ padobny da jaho źniešnie, a potym zapomniŭ proźvišča, imia, imia pa baćku i datu naradžeńnia nieznajomaha mužčyny, pišuć Minsk-naviny.
Potym u adkrytym dostupie apynuŭsia i pašpart «dvajnika», jaki mužčyna sfatahrafavaŭ na svoj telefon, kab pry nieabchodnaści pakazvać fota čužoha dakumienta.
U śniežni minčanin pierajšoŭ prajeznuju častku ŭ nienaležnym miescy. Heta zaŭvažyli supracoŭniki DAI i vynieśli jamu aficyjnaje papiaredžańnie. Kab paźbiehnuć adkaznaści, parušalnik nazvaŭ čužyja źviestki.
Praz usiaho try dni jon jechaŭ u hramadskim transparcie biez apłaty. Pry składańni pratakoła jon znoŭ vykarystaŭ čužuju asobu. Hetyja źviestki supracoŭniki «Minsktransa» i ŭnieśli ŭ dakumient.
Sapraŭdny ŭładalnik źviestak daviedaŭsia pra niezakonnaje pryciahnieńnie da adkaznaści i źviarnuŭsia ŭ milicyju i prakuraturu. Supracoŭniki chutka znajšli padazravanaha, u dačynieńni da jaho zaviali čarhovuju kryminalnuju spravu.
— Abvinavačany aficyjna nidzie nie pracuje, raniej dzieviać razoŭ pryciahvaŭsia da kryminalnaj adkaznaści, maje nie źniatuju i nie pahašanuju va ŭstanoŭlenym zakonam paradku sudzimaść, — prakamientavaŭ situacyju namieśnik prakurora Leninskaha rajona Alaksandr Mazanik.
Jamu pahražaje da dvuch hadoŭ źniavoleńnia.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ11
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary